Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > બિઝનેસ સમાચાર > સેન્સેક્સ માત્ર ૧૬૬ દિવસમાં ૫૦૦૦૦થી થઈગયો ૬૦૦૦૦

સેન્સેક્સ માત્ર ૧૬૬ દિવસમાં ૫૦૦૦૦થી થઈગયો ૬૦૦૦૦

25 September, 2021 05:10 PM IST | Mumbai
Gujarati Mid-day Correspondent | feedbackgmd@mid-day.com

સેન્સેક્સને ૩૦૦૦૦ના લેવલે પહોંચતાં ૨૧ વર્ષ લાગ્યાં હતાં, જયારે કે ૩૦ થી ૬૦૦૦૦ના સ્તરે પહોંચતા માત્ર ૨૧ મહિના લાગ્યા છે

બીએસઈનો સેન્સેક્સ ગઈ કાલે ૬૦,૦૦૦ની સપાટી વટાવી ગયો એ નિમિત્તે થઈ રહેલી ઊજવણીમાં એક્સચેન્જના એમડી-સીઈઓ આશિષકુમાર ચૌહાણ તથા અન્યો (તસવીર : આશિષ રાજે)

બીએસઈનો સેન્સેક્સ ગઈ કાલે ૬૦,૦૦૦ની સપાટી વટાવી ગયો એ નિમિત્તે થઈ રહેલી ઊજવણીમાં એક્સચેન્જના એમડી-સીઈઓ આશિષકુમાર ચૌહાણ તથા અન્યો (તસવીર : આશિષ રાજે)


દેશના સૌથી અત્યાધુનિક એક્સચેન્જ બીએસઈમાં શુક્રવારે સેન્સેક્સે પહેલી વાર ૬૦૦૦૦ની વિક્રમસર્જક સપાટી પાર કરી ઇતિહાસ રચ્યો હતો.

સેન્સેક્સ ગુરુવારના ૫૯૮૮૫.૩૬ના બંધથી ઉપલા ગેપમાં ૬૦૧૫૮.૭૬ ખૂલ્યો હતો અને ઉપરમાં ૬૦૩૩૩ સુધી અને નીચામાં ૫૯૯૪૬.૫૫ સુધી જઈ આગલા બંધથી ૧૬૩.૧૧ પૉઇન્ટ્સ વધીને ૬૦૦૪૮.૪૭ બંધ રહ્યો હતો. બીએસઈએ શુક્રવારે આ ૬૦૦૦૦ના વિક્રમની ઉજવણી પણ કરી હતી. સેન્સેક્સને ૩૦૦૦૦ના લેવલે પહોંચતાં ૨૧ વર્ષ લાગ્યાં હતાં, જયારે કે ૩૦ થી ૬૦૦૦૦ના સ્તરે પહોંચતા માત્ર ૨૧ મહિના લાગ્યા છે.



સેન્સેક્સ ૨૧ જાન્યુઆરી, ૨૦૨૧ના રોજ ૫૦૦૦૦ની સપાટીએ હતો તે પછી શુક્રવારે માત્ર ૧૬૬ દિવસના ગાળામાં ૧૦૦૦૦ પૉઇન્ટ્સ વધીને ૬૦૦૦૦ થયો છે, જે સેન્સેક્સનો અત્યાર સુધીનો સૌથી ઝડપી વધારો છે. જોકે અહીં એ નોંધીએ કે ૨૫ જુલાઈ ૧૯૯૦ના રોજ સેન્સેક્સ માત્ર ૧૦૦૦ પૉઇન્ટ્સની સપાટીએ હતો તેને ૧૦૦૦૦ની સપાટીએ પહોંચતાં (૬ ફેબ્રુઆરી, ૨૦૦૬) આશરે દસ વર્ષ લાગ્યાં હતાં.


સેન્સેક્સને પ્રથમ ૩૦૦૦૦ની સપાટીએ પહોંચતાં ૨૧ વર્ષ લાગ્યાં, જ્યારે બાકીના ૩૦૦૦૦ પૉઇન્ટ હાંસલ કરવામાં તેને માત્ર ૨૧ મહિના લાગ્યા છે. સેન્સેક્સને ૨૯ ઑક્ટોબર, ૨૦૦૭ના રોજ ૨૦૦૦૦ની સપાટીએ પહોંચવામાં માત્ર ૧૩ મહિના (૪૩૨ દિવસ) લાગ્યા હતા.


Whatsapp-channel Whatsapp-channel

25 September, 2021 05:10 PM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK