° °

આજનું ઇ-પેપર
Saturday, 16 October, 2021


સ્ખલન વહેલું થઈ જાય છે, એને અટકાવવા શું કરવું?

22 September, 2021 03:42 PM IST | Mumbai | Dr. Mukul Choksi

સ્પ્રે વાપરીને સંબંધ લંબાવવાનો મારા એક ખાસ ફ્રેન્ડનો અનુભવ છે, તેનું તો કહેવું છે કે એનાથી ઘણો લાંબો સમય ચાલે અને ક્યારેક તો થાકી જવાય ત્યાં સુધી સ્ખલન નથી થતું.

પ્રતીકાત્મક તસવીર

પ્રતીકાત્મક તસવીર

લગ્નને બાવીસ વર્ષ થયાં છે અને હજીયે અમે એટલો જ ચાર્મ અનુભવીએ છીએ. અમને બન્નેને સેક્સમાં વિવિધ પ્રયોગો કરવા પણ ખૂબ ગમે છે, પણ હમણાંથી અમને લાગે છે કે અમને વિવિધ પોઝિશન્સની ટ્રાય કરવાનો સમય નથી મળતો. દસેક મિનિટમાં જ મારું સ્ખલન થઈ જાય છે. મારા ભાઈબંધોને આવી તકલીફ માટે કોઈ દવા લે છે તો કોઈ સ્પ્રે અને કોઈ જેલી વાપરે છે. અમારા માટે આ ત્રણમાંથી કયો વિકલ્પ ઉત્તમ રહેશે? સ્પ્રે વાપરીને સંબંધ લંબાવવાનો મારા એક ખાસ ફ્રેન્ડનો અનુભવ છે, તેનું તો કહેવું છે કે એનાથી ઘણો લાંબો સમય ચાલે અને ક્યારેક તો થાકી જવાય ત્યાં સુધી સ્ખલન નથી થતું. શું એ પ્રયોગ હું કરું તો મારો ટાઇમિંગ સુધરે? અલબત્ત, એનો પ્રયોગ કરવાથી પછી મને હંમેશ માટે એની જરૂર પડે અને આદત પડી જાય એવું તો નહીં થાયને? 
દહિસરના રહેવાસી

તમારો પ્રશ્ન વાંચ્યા અને સમજ્યા પછી મારો મત એવો છે કે તમારે એકેય વિકલ્પ અપનાવવાની જરૂર નથી. જો શીઘ્રસ્ખલનની સમસ્યા ન હોય તો તમારે એ માટેની દવાઓ શું કામ વાપરવી છે.  
દવાઓ હંમેશાં એવા સંજોગોમાં વાપરવી જોઈએ જ્યારે તમારું શરીર કુદરતી રીતે સાથ આપી શકે એમ ન હોય. આ તમારી ભ્રમણા છે કે તમે થાકી જાઓ ત્યાં સુધી સમાગમ ચાલે તો એનાથી વધુ આનંદ આવે. થાકી જવાના હો એ પછી સમાગમ એની ચરમસીમા પર પહોંચે તો તમે એનો આનંદ પણ નહીં લઈ શકો.
શીઘ્રસ્ખલન માટેના સ્પ્રે કે જેલી લગાવવાથી ચરમસીમા લંબાય છે, પણ એમાં ખરેખર ઉત્તેજના વધારવાના કોઈ ગુણ નથી હોતા, એ સંવેદના બુઠ્ઠી કરી નાખે છે. એને કારણે સમાગમ લાંબો ચાલ્યો હોવા છતાં આનંદ બેવડાતો નથી. તમે આનંદ મેળવવા માટે થઈને સંભોગ લાંબો ચાલે એવું ઇચ્છો છો, પણ સ્પ્રેને કારણે ઊલટું જ થશે. સંવેદના ઘટી જવાથી સ્પર્શ અને ઘર્ષણનો આનંદ પણ ઘટી જશે માટે બહેતર છે કે તમે તમારા અત્યારના સ્ખલનનો આનંદ લો અને કોઈ ચીજનો ઉપયોગ ન કરો.

22 September, 2021 03:42 PM IST | Mumbai | Dr. Mukul Choksi

અન્ય લેખો

સેક્સ એન્ડ રિલેશનશિપ

બહેનને બહુ જ લાડ લડાવવા છતાં તે બીજાને બ્લેમ કરે છે

ઘણા લોકો હોય છે જે હાથે કરીને જીવન ખરાબ કરે છે, દુખી થાય છે અને પોતે કેટલા દુખી છે એના ગાણાં ગાઈને જ જીવન વ્યતીત કરે છે

15 October, 2021 07:04 IST | Mumbai | Sejal Patel
સેક્સ એન્ડ રિલેશનશિપ

ઇન્દ્રિયની ડાબી બાજુ સોપારી જેટલો ભાગ ઊપસી આવ્યો છે

બાકી બ્લડ-પ્રેશર સિવાય બીજી કોઈ તકલીફ નથી. હસ્તમૈથુન દરમ્યાન જ મને ખબર પડે છે કે ઇન્દ્રિયની ડાબી તરફ ગાંઠ જેવું ઊપસેલું છે. હસ્તમૈથુનની આ આડઅસર હોય એવું બને ખરું?

13 October, 2021 07:38 IST | Mumbai | Dr. Mukul Choksi
સેક્સ એન્ડ રિલેશનશિપ

મૅસ્ટરબેશનને કારણે સેક્સનો આનંદ ઓછો થઈ જાય?

 સિંગલ હોય કે મૅરિડ, સેક્સ એ એક નૅચરલ પ્રોસેસ છે એટલે એના આવેગને ક્યાંય ઊતરતું ગણવું નહીં. તમે તમારી જાતને પ્લેઝર આપો એનાથી ઉત્તમ બીજું કંઈ નથી

12 October, 2021 12:41 IST | Mumbai | Dr. Mukul Choksi

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK