° °

આજનું ઇ-પેપર
Tuesday, 04 October, 2022


વેડફાટને ગુડબાય: રબારી સમાજનો ઐતિહાસિક નિર્ણય, ન રિંગ સેરેમની કે પ્રી-વેડિંગ શૂટ

09 August, 2022 09:00 AM IST | Ahmedabad
Shailesh Nayak | shailesh.nayak@mid-day.com

અમદાવાદમાં સમાજની બેઠકમાં લગ્ન, સગાઈ, સીમંત, જન્મદિવસ, બેસણાં જેવા સામાજિક પ્રસંગના રીતરિવાજમાં કર્યા સુધારા, રક્ષાબંધનથી નવું બંધારણ અમલમાં આવશે

અમદાવાદમાં મળેલી ગુજરાત માલધારી મહાપંચાયતની બેઠકમાં ઉપસ્થિત રહેલા સમાજના આગેવાનો

અમદાવાદમાં મળેલી ગુજરાત માલધારી મહાપંચાયતની બેઠકમાં ઉપસ્થિત રહેલા સમાજના આગેવાનો

માલધારી રબારી સમાજમાં આર્થિક નુકસાન કરતા અને સમય વેડફતા કુરિવાજોને તિલાંજલિ આપીને આવકારદાયક પહેલાં કરતાં સમાજમાંથી સૂચનો મગાવ્યા બાદ અમદાવાદમાં મળેલી ગુજરાત માલધારી મહાપંચાયતની બેઠકમાં ચર્ચા-વિચારણા કરીને રબારી સમાજે લગ્ન, સગાઈ, સીમંત, જન્મદિવસ, બેસણાં જેવા સામાજિક પ્રસંગના રીતરિવાજમાં સુધારા કર્યા છે અને રક્ષાબંધનથી નવું બંધારણ અમલમાં આવશે.

ગુજરાત માલધારી મહાપંચાયતના પ્રવક્તા નાગજી દેસાઈએ ‘મિડ-ડે’ને કહ્યું હતું કે ‘રવિવારે અમદાવાદમાં સમાજની બેઠક મળી હતી, જેમાં સમગ્ર ગુજરાતમાંથી સમાજના આગેવાનો, મહંતો, જુદાં-જુદાં સંગઠનોના અગ્રણીઓ બેઠકમાં હાજર રહ્યા હતા. સમાજમાં લગ્ન, મરણ, સીમંત, જન્મદિવસ સહિતના પ્રસંગે આર્થિક રીતે નુકસાન કરતા અને સમય વેડફતા રિવાજો બંધ કરવા માટેનાં સમાજમાંથી સૂચનો મગાવ્યાં હતાં. સમાજની જૂની પરંપરા કાઢી નથી નાખવી, પણ ઓછી કરવી છે તેમ જ જરૂરી સુધારા કરવા વિશે આગેવાનોમાં છેલ્લા બે-ત્રણ મહિનાથી ચર્ચા-વિચારણા ચાલતી હતી. આગેવાનોની બેઠકમાં નિર્ણય લેવામાં આવ્યા છે.’

તેઓએ વધુમાં કહ્યું હતું કે ‘સમાજના આગેવાનોએ બેઠકમાં નિર્ણય કર્યો હતો કે રિંગ સેરેમની કે પ્રી-વેડિંગ ફોટો-શૂટ જેવા રિવાજો બંધ કરવા, લગ્ન પહેલાં બોલાવવામાં આવતી ચાંલ્લા પ્રથા સદંતર બંધ, લગ્ન પ્રસંગે મહેંદી સેરેમની બંધ કરવી, સમય અને ખોટા ખર્ચના બચાવ માટે ડીજે-રાસ, બૅન્ડવાજાં અને લગ્નગીત માટે તેમ જ ગરબા કલાકાર લાવવા નહીં, કંકોતરી સાથે કવર, કપડાં આપવાં નહીં, કંકોતરી આપતી વખતે પહેરામણી આપવી કે લેવી નહીં, પલ્લામાં ૧૦ તોલાની મર્યાદામાં સોનાના દાગીના આપવા, સગાઈ વખતે સોનાનો દાગીનો આપવો નહીં, સગાઈમાં મોબાઇલની આપ-લે બંધ કરવામાં આવે, સગાઈનો રૂપિયો અને ગોળ ખાવાની વિધિ ઘરે જ રાખવી, હોટેલમાં રાખવી નહીં, સગાઈની વિધિમાં પાંચ માણસોની મર્યાદામાં જવું, સીમંતવિધિ ઘરમેળે સાદાઈથી જ કરવી, ફોટો-શૂટ બંધ તેમ જ સીમંતના વિડિયો વાઇરલ નહીં કરવા, સીમંત હોટેલમાં રાખવું નહીં, સીમંતમાં દાગીનો આપવો નહીં, સીમંત પછી ખરખબર લેવા જઈએ કે પાછળથી રમાડવા જાય તો ૧૧ માણસોની મર્યાદામાં જવું, બેસણું કોઈ પણ વારે કે દિવસે અને કોઈ પણ સમયે રાખી શકાશે, મરણમાં રોવા-કૂટવાનું સદંતર બંધ કરવું, બર્થ-ડેની ઉજવણી ઘરમેળે જ કરવી, હોટેલમાં કરવી નહીં, કોઈ પણ સામાજિક પ્રસંગે કે ધાર્મિક પ્રસંગોમાં જમીન પર ફૂલો પાથરવાં કે વેરવાં નહીં. આ સહિતના નિર્ણયો સમાજના આગેવાનો અને રબારી સમાજ સામાજિક રીતરિવાજ સુધારણા પરિષદ દ્વારા લેવાયા છે અને રક્ષાબંધનથી આ બંધારણનો અમલ કરવાનું નક્કી કરાયું છે.’

09 August, 2022 09:00 AM IST | Ahmedabad | Shailesh Nayak

અન્ય લેખો

ગુજરાત સમાચાર

વંદે ભારત એક્સપ્રેસ ટ્રેન અમદાવાદ અને મુંબઈ વચ્ચેનું અંતર ઓછું કરશે

આ ટ્રેન હવે વધુમાં વધુ સાડાપાંચ કલાકમાં જ અમદાવાદથી મુંબઈ પહોંચાડી દેશે, વડા પ્રધાને ગાંધીનગરથી વંદે ભારત એક્સપ્રેસ ટ્રેન અને અમદાવાદમાં મેટ્રો રેલનું લોકાર્પણ કર્યું, ગાંધીનગરથી ટ્રેનમાં બેસી અમદાવાદ અને મેટ્રો રેલમાં બેસી સભાસ્થળેપહોંચ્યા

01 October, 2022 09:34 IST | Ahmedabad | Shailesh Nayak
ગુજરાત સમાચાર

મોદીએ સુરતના શ્રમનો મહિમા કર્યો, ભાવનગરમાં વિશ્વાસ વ્યક્ત કર્યો

બે દિવસના ગુજરાતના પ્રવાસે આવેલા પીએમ નરેન્દ્ર મોદીએ ગઈ કાલે સુરત અને ભાવનગરમાં વિવિધ વિકાસ પ્રકલ્પોનાં લોકાર્પણ અને ખાતમુહૂર્ત કર્યાં : બન્ને શહેરોમાં યોજાયેલા રોડ-શોમાં ઊમટ્યા કાર્યકરો–નાગરિકો

30 September, 2022 09:10 IST | Ahmedabad | Shailesh Nayak
ગુજરાત સમાચાર

અમદાવાદ રેલવે સ્ટેશનમાં મોઢેરા સૂર્યમંદિરની ઝાંખી જોવા મળશે

કેન્દ્રીય કૅબિનેટે ૧૦ હજાર કરોડના ખર્ચે અમદાવાદ સહિત નવી દિલ્હી અને મુંબઈ રેલવે સ્ટેશનના પુનર્વિકાસ કરવાના પ્રસ્તાવને આપી મંજૂરી

29 September, 2022 08:57 IST | Ahmedabad | Shailesh Nayak

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK