° °

આજનું ઇ-પેપર
Saturday, 25 September, 2021


હવે ગુજરાતમાં વરસાદ તારાજીના મૂડમાં

27 July, 2021 02:34 PM IST | Rajkot | Rashmin Shah

વેસ્ટર્ન ડિસ્ટર્બન્સની સાથે મૉન્સૂન સિસ્ટમ ઍક્ટિવ થવાને લીધે ગઈ કાલે રાજકોટ, જામનગર, મહેસાણા, પંચમહાલ અને સુરત જિલ્લામાં ૭થી ૧૮ ઇંચ વરસાદ

હવે ગુજરાતમાં વરસાદ તારાજીના મૂડમાં

હવે ગુજરાતમાં વરસાદ તારાજીના મૂડમાં

ગુજરાત હવામાન વિભાગે કરેલી ભારે વરસાદની આગાહી ગઈ કાલે પણ પુરવાર થઈ હતી, પણ હવે વરસાદે તારાજીનો મૂડ પકડી લીધો છે. વેસ્ટર્ન ડિસ્ટર્બન્સની સાથે ઍક્ટિવ થયેલી મૉન્સૂન સિસ્ટમે રાજકોટ, જામનગર, મહેસાણા, પંચમહાલ અને સુરત જિલ્લામાં ૭થી ૧૮ ઇંચ જેટલો વરસાદ પડ્યો હતો; જ્યારે ગુજરાતના ૨૪૦ તાલુકામાં વરસાદની અસર વર્તાઈ હતી. ગઈ કાલે દિવસ દરમ્યાન ગુજરાતભરમાં ક્યાંય સૂર્ય જોવા મળ્યો નહોતો. આખો દિવસ ઝરમર વરસતા વરસાદ વચ્ચે જીવનનિર્વાહ ચાલ્યો હતો.
ગુજરાત હવામાન વિભાગની આગાહી હજી પણ અકબંધ છે. હવામાન વિભાગની આગાહી મુજબ આવતા ૭૨ કલાકમાં હજી પણ ભારેથી અતિભારે વરસાદ પડવાની પૂરી સંભાવના છે. ગઈ કાલે પડેલા વરસાદ સાથે ગુજરાતમાં સીઝનનો ૩૮.૪૦ ટકા વરસાદ પૂરો થયો હતો. વરસાદની જે ઝડપ છે એને જોતાં અનુમાન મૂકવામાં આવે છે કે આ વર્ષે ૧૨૫ ટકાથી પણ વધુ વરસાદ પડશે.
સડોદરમાં ૧૮ ઇંચ વરસાદ
જામનગર જિલ્લાના જામજોધપુર તાલુકાના સડોદર ગામમાં રવિવાર રાતથી ગઈ કાલે સાંજ સુધી ૧૮ ઇંચ વરસાદ પડતાં સડોદર ગામ ટાપુમાં ફેરવાઈ ગયું હતું. ગઈ કાલે જૂનાગઢ જિલ્લામાં પણ વરસાદનું જોર અકબંધ હતું. ગિરનારના ઉપરવાસમાં વધુ ૬ ઇંચ વરસાદ પડતાં ૨૪ કલાકમાં ગિરનાર ઉપરવાસમાં ૧૦ ઇંચના આંકને વરસાદ આંબી ગયો હતો, જ્યારે રાજકોટમાં વધુ પાંચ ઇંચ વરસાદ પડતાં ૩૬ કલાકમાં ૯ ઇંચ વરસાદ પડી ગયો હતો. 
ગઈ કાલે દક્ષિણ ગુજરાતમાં પણ વરસાદનું જોર અકબંધ રહ્યું હતું. વલસાડ, વાપી અને નવસારીમાં એકથી સાડાચાર ઇંચ વરસાદ પડ્યો હતો, તો વડોદરા અને દાહોદ જિલ્લામાં બેથી છ ઇંચ વરસાદ પડ્યો હતો. અમદાવાદમાં પણ ગઈ કાલે વરસાદનું જોર અકબંધ રહ્યું હતું. અમદાવાદ, મહેસાણા અને બનાસકાંઠામાં ગઈ કાલે દોઢથી છ ઇંચ વરસાદ પડ્યો હતો.
એકધારા વરસાદને લીધે ગુજરાત સાથે જોડાયેલા રેલવે, બસ અને વિમાનને પણ સીધી અસર થઈ છે. ગુજરાત સાથે જોડાયેલી ટ્રેન દોઢથી ચાર કલાક લેટ હતી, તો બસ એકથી ચાર કલાક અને ફ્લાઇટ બેથી ત્રણ કલાક લેટ પડી હતી.
ઍક્ટિવ થયેલી મૉન્સૂન સિસ્ટમ વચ્ચે હજી પણ વધુ વરસાદની સંભાવના હોવાને લીધે ગુજરાત સરકારે અકારણ ટ્રાવેલિંગ ન કરવાની સૂચના આપી છે.

27 July, 2021 02:34 PM IST | Rajkot | Rashmin Shah

અન્ય લેખો

ગુજરાત સમાચાર

ગુજરાતમાં આ વર્ષે નવરાત્રિનો ખરો માહોલ જામશે : શેરી ગરબાને સરકારે આપી મંજૂરી

સોસાયટી અને ફ્લૅટના ગરબા, દુર્ગાપૂજા, વિજયા દશમી ઉત્સવ અને શરદપૂર્ણિમા ઉત્સવ ૪૦૦ વ્યક્તિઓની મર્યાદામાં યોજવા ભૂપેન્દ્ર પટેલની સરકારે આપી છૂટ

25 September, 2021 10:30 IST | Ahmedabad | Shailesh Nayak
ગુજરાત સમાચાર

‘જીવી લીધું છે, હવે વધુ જીવવા નથી માગતો, છોકરાઓને હેરાન કરવા નહીં’

ભાષાપંડિત, અધ્યાપક, સાહિત્યકાર યોગેન્દ્ર વ્યાસે સુસાઇડ-નોટમાં બીમારીનું કારણ જણાવ્યું : કૅન્સરગ્રસ્ત પત્ની સાથે કરેલા આપઘાતથી સમગ્ર સાહિત્ય અને શિક્ષણ જગત શોકગ્રસ્ત

24 September, 2021 11:51 IST | Ahmedabad | Shailesh Nayak
ગુજરાત સમાચાર

છેવટે કચ્છ પર પણ મેહુલિયો મહેરબાન

નખત્રાણામાં ૪ ઇંચ જેટલો વરસાદ : જોકે જામનગરના જોડિયામાં મેઘરાજા ત્રાટકતાં સાડાસાત ઇંચ વર્ષા થઈ

24 September, 2021 11:32 IST | Ahmedabad | Shailesh Nayak

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK