મુંબઈ યુનિવર્સિટી સાથે જોડાયેલી તમામ કોલેજો અને માન્યતા પ્રાપ્ત શૈક્ષણિક સંસ્થાઓમાં પ્રવેશ મેળવવા માંગતા વિદ્યાર્થીઓ માટે મુંબઈ યુનિવર્સિટીએ ઓનલાઈન પ્રી-એડમિશન રજિસ્ટ્રેશન શરૂ કર્યું છે
ફાઇલ ફોટો
મુંબઈ યુનિવર્સિટી સાથે જોડાયેલી તમામ કોલેજો અને માન્યતા પ્રાપ્ત શૈક્ષણિક સંસ્થાઓમાં પ્રવેશ મેળવવા માંગતા વિદ્યાર્થીઓ માટે મુંબઈ યુનિવર્સિટીએ ઓનલાઈન પ્રી-એડમિશન રજિસ્ટ્રેશન શરૂ કર્યું છે આ રજિસ્ટ્રેશન પ્રક્રિયાનું સમયપત્રક પણ યુનિવર્સિટી દ્વારા જાહેર કરવામાં આવ્યું છે. ડિગ્રી કોર્સના પ્રથમ વર્ષમાં પ્રવેશ મેળવવા માંગતા વિદ્યાર્થીઓએ પ્રવેશ પહેલાં મુંબઈ યુનિવર્સિટીમાં ઓનલાઈન રજિસ્ટ્રેશન કરવું જરૂરી છે.
ADVERTISEMENT
મુંબઈ યુનિવર્સિટીની વેબસાઇટ mum.digitaluniversity.ac પર 5 ઓગસ્ટ 2021થી ઓનલાઈન પ્રી-રજિસ્ટ્રેશન શરૂ થઈ ગયું છે. આ વેબસાઈટ પર હેલ્પલાઈન નંબર પણ ઉપલબ્ધ કરાવવામાં આવ્યો છે. મુંબઈ યુનિવર્સિટીના વિદ્યાર્થીઓએ આ ફોર્મ ભરી અને કોલેજનું એડમિશન ફોર્મ ભરી સીટ મેળવવી જરૂરી છે.
ઓનલાઇન પ્રી-એડમિશન રજિસ્ટ્રેશન પ્રક્રિયાનું સમયપત્રક આ પ્રમાણે છે.
ઓનલાઇન રજીસ્ટેશન ફોર્મનું વેચાણ - 5 ઓગસ્ટથી 14 ઓગસ્ટ, 2021 (બપોરે 1 વાગ્યા સુધી)
પ્રી-એડમિશન ઓનલાઇન રજિસ્ટ્રેશન પ્રક્રિયા - 5 ઓગસ્ટથી 14 ઓગસ્ટ, 2021 (બપોરે 1 વાગ્યા સુધી)
ઓનલાઇન પ્રી-એડમિશન ફોર્મ સહિત એડમિશન ફોર્મ જમા કરવાની તારીખ - 6 ઓગસ્ટથી 14 મી ઓગસ્ટ, 2021 (ઇન-હાઉસ એડમિશન અને માઈનોરીટી ક્વોટામાં પ્રવેશ આ સમયગાળા દરમિયાન કરી શકાય છે.)
પ્રથમ મેરીટ લિસ્ટ - 17 ઓગસ્ટ, 2021 (સવારે 11 વાગ્યે) ઓનલાઇન દસ્તાવેજ ચકાસણી અને ફીની ચુકવણી 18 ઓગસ્ટથી 25 ઓગસ્ટ, 2021 (બપોરે 3 વાગ્યા સુધી)
દ્વિતીય મેરિટ લિસ્ટ - 25 ઓગસ્ટ, 2021 (સાંજે 7 વાગ્યે) ઓનલાઇન દસ્તાવેજ ચકાસણી અને ફીની ચુકવણી 26 ઓગસ્ટથી 30 ઓગસ્ટ, 2021 (બપોરે 3 વાગ્યા સુધી)
તૃતીય મેરીટ લિસ્ટ - 30 ઓગસ્ટ, 2021 (સાંજે 7 વાગ્યે) ઓનલાઇન દસ્તાવેજ ચકાસણી અને ફીની ચુકવણી 1 સપ્ટેમ્બરથી 4 સપ્ટેમ્બર, 2021
ઉલ્લેખનીય છે કે કોરોનાને કારણે મુંબઈ યુનિવર્સિટીએ ભીડ ટાળવા માટે તમામ કોલેજોને પ્રવેશ પ્રક્રિયા ઓનલાઇન કરવા જણાવ્યું છે.
Mumbai University releases pre admission online form for admission in first year of degree college Know the schedule and necessary details
