Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


App banner App banner
હોમ > સમાચાર > મુંબઈ સમાચાર > આર્ટિકલ્સ > પોલીસ-કમિશનરનો ફોન પણ સલામત નથી તો પછી આપણી તો શી વિસાત?

પોલીસ-કમિશનરનો ફોન પણ સલામત નથી તો પછી આપણી તો શી વિસાત?

Published : 18 November, 2026 07:27 AM | IST | Mumbai
Gujarati Mid-day Correspondent | feedbackgmd@mid-day.com

થાણેના પોલીસ-ચીફ આશુતોષ ડુંબરેનો ફોન અને વૉટ્સઍપ અકાઉન્ટ હૅક થઈ ગયાં, સ્ટેટસ પર ૧૨ પૉર્ન વિડિયો અપલોડ કરી દેવામાં આવ્યા

થાણેના પોલીસ-કમિશનર આશુતોષ ડુંબરે

થાણેના પોલીસ-કમિશનર આશુતોષ ડુંબરે


થાણેના પોલીસ-કમિશનર આશુતોષ ડુંબરેનો મોબાઇલ ફોન અને વૉટ્સઍપ અકાઉન્ટ ગઈ કાલે સાંજે કોઈ અજાણ્યા હૅકર્સ દ્વારા હૅક કરવામાં આવ્યાં હતાં. સાઇબર ક્રાઇમની આ ગંભીર ઘટનામાં હૅકર્સે પોલીસ-કમિશનરના સત્તાવાર વૉટ્સઍપ અકાઉન્ટનો ઍક્સેસ મેળવીને એના પર ૧૨ કરતાં વધુ અશ્લીલ વિડિયો સ્ટેટસ તરીકે અપલોડ કરી દીધા હતા.

રાજ્યના એક સિનિયર ઇન્ડિયન પોલીસ સર્વિસ (IPS) અધિકારી અને પોલીસવડાનું જ સોશ્યલ મીડિયા અકાઉન્ટ હૅક થવાની આ ઘટનાથી પોલીસદળમાં ભારે દોડધામ મચાવી હતી. આ મામલાની ગંભીરતાને ધ્યાનમાં રાખીને થાણે પોલીસના સાઇબર સેલ દ્વારા તાત્કાલિક ધોરણે ગુનો નોંધીને આ હૅકિંગ પાછળ કોનો હાથ છે એ વિશે સઘન તપાસ શરૂ કરવામાં આવી છે. બીજી બાજુ સીધા પોલીસ-કમિશનરનું જ અકાઉન્ટ સુરક્ષિત ન રહેતાં સામાન્ય પ્રજામાં સુરક્ષા સામે ગંભીર સવાલો ઊભા થયા છે અને લોકોમાં ભારે ચર્ચા વ્યાપી ગઈ છે કે જો પોલીસવડાની આ હાલત હોય તો સામાન્ય નાગરિકોની સુરક્ષાનું શું?



થાણે પોલીસે નાગરિકોને અપીલ કરી


પોલીસ-કમિશનર આશુતોષ ડુંબરેનું વૉટ્સઍપ અકાઉન્ટ અજાણી વ્યક્તિઓ દ્વારા હૅક કરવામાં આવ્યું હોવાની ગંભીર ઘટના સામે આવી છે. હૅકર્સ દ્વારા આ સત્તાવાર અકાઉન્ટના સ્ટેટસ પર કેટલાક અશ્લીલ વિડિયો પ્રસારિત કરવામાં આવ્યા છે. આ બાબતની ગંભીરતાને ધ્યાનમાં રાખીને ગઈ કાલે થાણે પોલીસ દ્વારા સત્તાવાર પ્રેસનોટ જાહેર કરીને નાગરિકો માટે મહત્ત્વની સૂચના અને અપીલ કરવામાં આવી હતી. પોલીસે નાગરિકોને અપીલ કરી છે કે આ સ્ટેટસ પરના કોઈ પણ વિડિયો પર વિશ્વાસ ન કરવો, એને ડાઉનલોડ કે ફૉર્વર્ડ ન કરવો તેમ જ શંકાસ્પદ લિંક્સ કે સંદેશાઓને પ્રતિસાદ ન આપવો. આ કૃત્ય કરનાર અજ્ઞાત વ્યક્તિ વિરુદ્ધ કાયદેસરની કડક કાર્યવાહી હાથ ધરવામાં આવી રહી છે.


Whatsapp-channel Whatsapp-channel

18 November, 2026 07:27 AM IST | Mumbai | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK