ભારતની પરંપરાગત ગિલ્લીદંડા જેવી અમેરિકાની ડેન્ટી રમતની વર્લ્ડ ચૅમ્પિયનશિપ કેન્ટકીના લુઇવિલ શહેરમાં યોજાઈ રહી છે. રસ્તાઓ પર રમાતી આ ચૅમ્પિયનશિપ જોવા મોટી સંખ્યામાં દર્શકો ઉમટી પડે છે.
ગિલ્લીદંડા જેવી રમત ડેન્ટી માટે અમેરિકામાં યોજાય છે ચૅમ્પિયનશિપ
એક સમયે ભારતના ગામોની સૌથી ફેમસ ગિલ્લીદંડાની રમત આગામી જનરેશનને બહુ આકર્ષી નથી રહી. ગામડાંઓમાં ક્યાંક હજીયે ગિલ્લીદંડાની રમત જીવતી મળે છે. જોકે વિદેશોમાં પરંપરાગત રમતો માટે ચૅમ્પિયનશિપ યોજાય છે. લાકડી વડે લાકડાની એક ચકરીને ફટકારવાની ડેન્ટી તરીકે ઓળખાતી અમેરિકાની ફેમસ રમતની તાજેતરમાં વર્લ્ડ ચૅમ્પિયનશિપ ચાલી રહી છે. અમેરિકાના કેન્ટકી રાજ્યના લુઇવિલ શહેરમાં આજકાલ આ રમતનો જુવાળ ફેલાયો છે. દર વર્ષે આ શહેરમાં ડેન્ટી ચૅમ્પિયનશિપ યોજાય છે. એ માટે રસ્તાઓ પર જ ખાસ વ્યવસ્થા કરવામાં આવે છે અને રસ્તાની બન્ને તરફ હકડેઠઠ દર્શકો જોવા ઊમટી પડે છે.
