Gujarati Mid-day

ઇ-પેપર

ગણેશ ચતુર્થી

ગણેશ ચતુર્થી


હોમ > સમાચાર > ચિત્ર-વિચિત્ર > આર્ટિકલ્સ > હવે આવી રહ્યું છે સ્વિસ દાબેલી ફૉન્ડ્યુ

હવે આવી રહ્યું છે સ્વિસ દાબેલી ફૉન્ડ્યુ

04 October, 2022 11:21 AM IST | Mumbai
Gujarati Mid-day Correspondent | feedbackgmd@mid-day.com

મહારાષ્ટ્ર અને ગુજરાતમાં દાબેલી એક લોકપ્રિય સ્ટ્રીટ ફૂડ છે.

હવે આવી રહ્યું છે સ્વિસ દાબેલી ફૉન્ડ્યુ Offbeat

હવે આવી રહ્યું છે સ્વિસ દાબેલી ફૉન્ડ્યુ


ખાવાની ચીજો સાથે અખતરા કરવાનો લોકોનો શોખ અનેક વાર કોઈ નવી જ વાનગીને જન્મ આપે છે, તો વળી ક્યારેક પ્રચલિત વાનગીમાં એવો ટ્‍વિસ્ટ લાવીને મૂકે છે કે ભાવતી વાનગી પ્રત્યે પણ અણગમો થાય. જોકે તો પણ વાનગીઓ સાથે થતા અખતરાઓમાં ઘટાડો નથી થતો. તાજેતરમાં નેટિઝન્સને આંચકો અને આઘાત આપવા આવી રહી છે ‘સ્વિસ દાબેલી ફૉન્ડ્યુ.’
મહારાષ્ટ્ર અને ગુજરાતમાં દાબેલી એક લોકપ્રિય સ્ટ્રીટ ફૂડ છે. પાંઉમાં બટાટાનું પૂરણ ભરીને ગરમ કરીને ખવાતી આ વાનગી સ્થાનિક બજારના લગભગ દરેક ગલી-નુક્કડ પર મળે છે. વડાપાંઉની જેમ ખવાતી આ વાનગીને પણ ફૉન્ડ્યુમાં ફેરવી શકાય છે એવી તો કલ્પના પણ નહીં કરી હોય કોઈએ. ટ્‍વિટર-યુઝર કુણાલ સાવર્ડેકરે દાબેલી ફૉન્ડ્યુનો ફોટો શૅર કર્યો હતો. ટ્‍વિટર પર શૅર કરાયેલા ફોટો મુજબ એક પ્લેટમાં ટોસ્ટ બ્રેડના નાના ટુકડા સાથે એક બાઉલમાં દાબેલીનું પૂરણ મૂકી સિંગદાણા અને દાડમના દાણાથી સજાવવામાં આવ્યું છે. 


04 October, 2022 11:21 AM IST | Mumbai | Gujarati Mid-day Correspondent

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK