ટૂંક સમયમાં તે ચૅટGPT જેવી સિસ્ટમથી બોલવા માંડે એવી સંભાવના છે.
પ્રતીકાત્મક તસવીર
મશીનરી રીતે રોબો ભલે ગમે એટલા સજ્જ હોય, પણ મનુષ્ય જેવા હાવભાવ દેખાડે એ વાત ઘણાને અશક્ય લાગે છે. જોકે કોલમ્બિયા યુનિવર્સિટીના સંશોધકોએ રજૂ કરેલો ‘ઇમો’ નામનો હ્યુમનૉઇડ રોબો આ વાતને શક્ય બનાવવા જઈ રહ્યો છે. ઇમોની ખાસિયત એ છે કે તે રિયલ ટાઇમમાં માનવીના ફેશ્યલ એક્સપ્રેશન્સની નકલ કરી શકે છે. ઇમો પોતાનું માથું રોટેટ કરી શકે છે અને સામેવાળી વ્યક્તિ જેવાં જ મિરર-એક્સપ્રેશન્સ આપી શકે છે. રસપ્રદ વાત એ છે કે કોઈ માણસ સામેની વ્યક્તિને પાછી સ્માઇલ આપે એની સરખામણીમાં ઇમો ૮૩૯ મિલી સેકન્ડ પહેલાં સામું સ્મિત કરી શકે છે. બે આર્ટિફિશ્યલ ઇન્ટેલિજન્સ (AI) મૉડલ ધરાવતા ઇમોમાં નિષ્ણાતોએ ૨૬ ઍક્ટ્યુએટર (ઉત્તેજક) નાખ્યાં છે જે એને મસલ મૂવમેન્ટ અને ચહેરાના હાવભાવ બતાવવામાં સક્ષમ બનાવે છે. એની અંદર બે હાઈ-રેઝોલ્યુશન કૅમેરા છે જે મનુષ્ય સાથે આઇ-કૉન્ટૅક્ટ કરી શકે છે. ટૂંક સમયમાં તે ચૅટGPT જેવી સિસ્ટમથી બોલવા માંડે એવી સંભાવના છે.
