ભારતીય સમુદાયની ૫૦૦થી વધુ મહિલાઓ તેમ જ બંગલાદેશ, નેપાલ, યુનાઇટેડ કિંગડમ, યુનાઇટેડ સ્ટેટ્સ ઑફ અમેરિકા, યુનાઇટેડ આરબ એમિરેટ્સ, યુગાન્ડા, ટ્રિનિડૅડ, ગયાના જેવા દેશોની મહિલાઓએ ‘સાડી ગોઝ ગ્લોબલ’ ઇવેન્ટમાં ભાગ લીધો હતો.
લાઇફ મસાલા
પ્રતીકાત્મક તસવીર
ન્યુ યૉર્કનું આઇકૉનિક ટાઇમ્સ સ્ક્વેર ચોથી મેએ રંગબેરંગી સાડીમાં સજ્જ મહિલાઓથી શોભી ઊઠ્યું હતું. ભારતીય સમુદાયની ૫૦૦થી વધુ મહિલાઓ તેમ જ બંગલાદેશ, નેપાલ, યુનાઇટેડ કિંગડમ, યુનાઇટેડ સ્ટેટ્સ ઑફ અમેરિકા, યુનાઇટેડ આરબ એમિરેટ્સ, યુગાન્ડા, ટ્રિનિડૅડ, ગયાના જેવા દેશોની મહિલાઓએ ‘સાડી ગોઝ ગ્લોબલ’ ઇવેન્ટમાં ભાગ લીધો હતો. ઇવેન્ટના મુખ્ય આયોજક ‘બ્રિટિશ વિમેન ઇન સારીઝ’નું કહેવું છે કે ‘ભારતીય સાડીને ભલે આજે વૈશ્વિક સ્તરે ઓળખ મળી છે, પણ એનો ઉદ્યોગ મૃતપ્રાય થઈ રહ્યો છે. અમે વૈશ્વિક કાર્યક્રમો દ્વારા ભારતના હૅન્ડલૂમ વણકરોના સપોર્ટ માટે સાડી વિશે જાગૃતિ ફેલાવીએ છીએ.’ ‘સાડી ગોઝ ગ્લોબલ’ ઇવેન્ટમાં મહિલાઓએ સંગીત, નૃત્ય અને સાડી વૉકથૉન દ્વારા જુદી-જુદી સ્ટાઇલ, ફૅબ્રિક અને ડિઝાઇનવાળી સાડીઓનું પ્રદર્શન કર્યું હતું.