Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > કૉલમ > દુનિયામાં ક્યાંય પણ હોઉં, મારા માટે હોટેલનું જિમ ખૂલે જ ખૂલે

દુનિયામાં ક્યાંય પણ હોઉં, મારા માટે હોટેલનું જિમ ખૂલે જ ખૂલે

15 March, 2021 01:30 PM IST | Mumbai
Rashmin Shah | rashmin.shah@mid-day.com

દુનિયામાં ક્યાંય પણ હોઉં, મારા માટે હોટેલનું જિમ ખૂલે જ ખૂલે

વર્કઆઉટ કે ફિટનેસ એક જ વર્ડની ગેમ છે, એ છે વિલપાવર

વર્કઆઉટ કે ફિટનેસ એક જ વર્ડની ગેમ છે, એ છે વિલપાવર


ત્રેવીસ વર્ષથી આ નિયમ છે મારો. સવારે પ્રોટીન શેક પીને મંદિરે જતા હોઈએ એવી શ્રદ્ધા સાથે સીધા જિમ જવાનું અને વર્કઆઉટ કરવાનું. મારું હજી સ્કૂલિંગ પૂરું જ થયું હતું અને મારા પપ્પા મને હેલ્થ ક્લબમાં લઈ ગયા ત્યારથી વર્કઆઉટ મારા માટે લાઇફસ્ટાઇલ બની ગયું છે. એ સમયે હું બહુ જાડિયો, ઇન્ટ્રોવર્ટ હતો. પપ્પા તો યોગ અને મેડિટેશન માટે જતા પણ તેમણે મને ફિટનેસના એક ઇન્સ્ટ્રક્ટરના હાથમાં મૂકી દીધો. જુહુ ક્લબના એ સરે એકદમ ટિપિકલ અખાડામાં કરાવે એવું વર્કઆઉટ શરૂ કરાવ્યું. દંડબેઠક, પુશઅપ્સ, રનિંગ અને એવું બધું. બધું દેશી પ્રક્રિયાથી. એ સમયે હું સાંજે ક્લબમાં જતો પણ એ પછી ફ્રેન્ડ્સ થવા માંડ્યા, બધાને મળવાની મજા આવવા માંડી એટલે ધીમે-ધીમે મૉર્નિંગ સેશનમાં આવી ગયો. હું કહીશ કે વર્કઆઉટ કે ફિટનેસ એ એક જ વર્ડની ગેમ છે, વિલપાવર.
વિલપાવર ડેવલપ થયા પછી આજે ત્રેવીસ વર્ષ થઈ ગયાં, આ ત્રેવીસ વર્ષમાં ભાગ્યે જ એવું બન્યું હશે કે હું જિમમાં ન ગયો હોઉં.
હા, મેન્ટલી રિટાયર્ડ
સાચે જ. મેં જે પણ ઍક્ટર અને પ્રોડ્યુસર સાથે કામ કર્યું છે તે મને આવું જ કહે. હું ક્યાંય પણ હોઉં, વર્કઆઉટ કરું જ કરું. શૂટ માટે આઉટડોર હોઉં તો પણ મારી આ લાઇફસ્ટાઇલમાં કોઈ ચેન્જ ન આવે. જનરલી શૂટિંગ શેડ્યુલ સવારે સાતનું હોય તો હું છ વાગ્યે લોકેશન પહોંચી જાઉં અને લોકેશન પર જવા માટે ગાડીમાં બેસતાં પહેલાં હોટેલમાં વર્કઆઉટ કરી લીધું હોય. જે હોટેલમાં સ્ટે હોય એ હોટેલમાં મેં જિમ સાડાચારે ખોલાવી લીધું હોય. જાગી, ફ્રેશ થઈ જિમમાં આવી જવાનું. સાડાપાંચ સુધી વર્કઆઉટ અને એ પછી શાવર લઈને સીધા લોકેશન પર.
વર્કઆઉટ મારા રૂટીનનો એક ભાગ છે, એને હું મિસ ન કરી શકું. જે સમયે તમે પણ આ જ વિચારને મનમાં સ્ટોર કરી લેશો એ સમયે તમે પણ વર્કઆઉટ માટે સમય કાઢી જ લેશો એ નક્કી છે.
ખાવાનું બધું પણ...
તમે યંગ હો એવા સમયે કંઈ પણ ખાઓ તો એ ડાઇજેસ્ટ કરવાની કૅપેસિટી તમારા મેટાબોલિઝમમાં હોય પણ સમય જતાં મેટાબોલિઝમ મંદ પડે તો એને વર્કઆઉટથી ઍક્ટિવ કરવું પડે પણ ધારો કે એવું ન કરતા હો તો તમારે ડાયટ પર ધ્યાન આપવું જોઈએ. હું બધું ખાઉં છું, કોઈ ચીજની ના નહીં પણ કન્ટ્રોલ સૌથી ઇમ્પોર્ટન્ટ. વડાપાંઉ કે પાંઉભાજી ખાવાનું મન થાય તો એ પણ ખાઉં પણ મહિનામાં એકાદ વાર. સ્વીટ્સ કે આઇસક્રીમ પણ લઉં પણ વીકમાં એકાદ વાર. હા, રાઇસમાં હું માત્ર બ્રાઉન રાઇસ ખાઉં અને ઘઉંને બદલે રોટલી હું ગ્લુટન-ફ્રી આટાની ખાઉં છું. બ્રેકફાસ્ટમાં કશું લેતો નથી, પ્રોટીન શેક જ પીઉં. વાજબી ન કહેવાય, પણ મારો આ જ બ્રેકફાસ્ટ છે. લંચમાં રોટી અને સબ્ઝી હોય. સાંજે ચા સાથે કુકીઝ કે ખાખરા કે પછી આપણે ત્યાં જે સૂકો નાસ્તો હોઈ એ કરું. ડિનર હું આઠેક વાગ્યા સુધીમાં લઈ લઉં. બ્રાઉન રાઇસ અને દાલ કે પછી જે બન્યું હોય એ હું લઉં. હું કહીશ બહારનું ખાવાનું બને એટલું ઓછું કરશો તો પણ હેલ્થમાં એની પૉઝિટિવ અસર દેખાશે. હું પ્યૉર વેજિટેરિયન છું. લોકો એવું માને કે વેજિટેરિયન હોય એ કેવી રીતે બૉડી બનાવી શકે પણ હું કહીશ કે વેજ ડાયટમાં એવું શું નથી કે જેનાથી બૉડી ફિટ ન રહે. આ આપણા મગજમાં ઘુસાડી દીધેલી ખોટી વાત છે.


Whatsapp-channel Whatsapp-channel

15 March, 2021 01:30 PM IST | Mumbai | Rashmin Shah

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK