દેશી પહેરવેશમાં તેઓ કોઈ પણ પ્રકારના સંકોચ વગર ભારે ઉત્સાહથી `ટ્રાઈસેપ ડિપ્સ` (Tricep Dips) કરી રહ્યા છે. વીડિયોના અંતે તેઓ સ્મિત સાથે કસરત પૂરી કરે છે. લોકો આ વીડિયો વારંવાર જોઈ રહ્યા છે અને તેમની ફિટનેસ જોઈને તેમની પ્રસંશા કરી રહ્યા છે.ટ
નાના પાટેકર તેમના શિસ્ત માટે પણ જાણીતા છે - તસવીર સૌજન્ય ઇનસ્ટાગ્રામ
બૉલિવૂડના દિગ્ગજ અભિનેતા નાના પાટેકર તેમની શાનદાર એક્ટિંગ અને શિસ્તબદ્ધ જીવનશૈલી માટે જાણીતા છે. તાજેતરમાં 76 વર્ષીય આ અભિનેતાનો એક વીડિયો સોશિયલ મીડિયા પર ધૂમ મચાવી રહ્યો છે, જેમાં તેઓ જિમમાં અત્યંત સ્ફૂર્તિ સાથે વર્કઆઉટ કરતા જોવા મળે છે. આ ઉંમરે પણ તેમની આવી ફિટનેસ જોઈને ચાહકો અને બોલિવૂડ સેલેબ્સ આશ્ચર્યચકિત થઈ ગયા છે.
ગમછા અને બનિયાનમાં દેશી અંદાજ
ADVERTISEMENT
વાયરલ થઈ રહેલા આ વીડિયોમાં નાના પાટેકર તેમના લાક્ષણિક સાદગીભર્યા અંદાજમાં જોવા મળી રહ્યા છે. તેમણે સફેદ બનિયાન અને બેઈજ રંગના શોર્ટ્સ પહેર્યા છે, અને ગળામાં ગમછો નાખેલો છે. આ દેશી પહેરવેશમાં તેઓ કોઈ પણ પ્રકારના સંકોચ વગર ભારે ઉત્સાહથી `ટ્રાઈસેપ ડિપ્સ` (Tricep Dips) કરી રહ્યા છે. વીડિયોના અંતે તેઓ સ્મિત સાથે કસરત પુરી કરે છે, જે તેમની ઉર્જા અને સકારાત્મકતા દર્શાવે છે.
View this post on Instagram
અતુલ કસબેકરે શેર કર્યો વીડિયો
જાણીતા ફોટોગ્રાફર અને પ્રોડ્યુસર અતુલ કસબેકરે આ વીડિયો ઇન્સ્ટાગ્રામ પર શેર કર્યો છે. અતુલે કેપ્શનમાં લખ્યું કે, નાના સાહેબની આ ફિટનેસ જોઈને તેમણે પોતાના ફિટનેસ ગોલ્સ ફરીથી સેટ કરવા પડશે. તેમણે દાવો કર્યો હતો કે નાના પાટેકરે કુલ 15 ડિપ્સ કર્યા હતા, જોકે તેઓ રેકોર્ડિંગ થોડું મોડું શરૂ કરી શક્યા હોવાથી તમામ ડિપ્સ કેમેરામાં કેદ થયા નથી. તેમણે નાના પાટેકરને `લિજેન્ડ` તરીકે સંબોધ્યા હતા.
સેલેબ્સ અને ચાહકોની પ્રતિક્રિયા
આ વીડિયો જોતાની સાથે જ સોશિયલ મીડિયા પર પ્રતિક્રિયાઓનું પૂર આવ્યું છે. ફિટનેસ ક્વીન શિલ્પા શેટ્ટીએ ક્લેપ ઇમોજી સાથે પ્રતિક્રિયા આપી હતી, જ્યારે સિંગર બાદશાહે તેમને "OG" (Original Gangster) કહ્યા હતા. અભિનેતા રાહુલ દેવ અને વિનીત સિંહે પણ તેમના આ ફિટનેસ લેવલના મુક્તકંઠે વખાણ કર્યા છે. ચાહકો તેમને "પ્યોર સ્ટ્રેન્થ" અને "ઇન્સ્પિરેશનલ" કહી રહ્યા છે.
વર્ક ફ્રન્ટ
વર્ક ફ્રન્ટની વાત કરીએ તો, નાના પાટેકર હાલમાં પણ ઘણા સક્રિય છે. તેમણે તાજેતરમાં જ પ્રકાશ ઝા નિર્દેશિત વેબ સિરીઝ `સંકલ્પ` દ્વારા OTT પ્લેટફોર્મ પર ડેબ્યૂ કર્યું છે. તેમણે માસ્ટર સાહેબ એટલે કે માટ સાહેબનુું પાત્ર ભજવ્યું છે. તેમણે પ્રકાશ ઝા સાથે કામ કરવા અંગે વાત કરી હતી અને આ સિરીઝ લૉન્ચ થઈ તે પહેલાંના કાર્યક્રમોમાં પ્રકાશ ઝાએ પણ નાના પાટેકર સાથે કામ કરવા અંગેના પોતાના અનુભવ વહેંચ્યા હતા. આ ઉપરાંત, આ વર્ષે રિલીઝ થયેલી ફિલ્મ ‘ઓ રોમિયો’માં તેઓ શાહિદ કપૂર અને તૃપ્તિ ડિમરી સાથે પોલીસ અધિકારી ઇસ્માઇલ ખાનના રોલમાં જોવા મળ્યા હતા. 76 વર્ષની વયે પણ કામ અને ફિટનેસ પ્રત્યેનું તેમનું આ સમર્પણ ખરેખર પ્રેરણાદાયક છે.
