ઐશ્વર્યા રાય બચ્ચને બેબી પાપાની બાળપણની તસવીર શૅર કરીને આપી શુભેચ્છા, અભિષેક બચ્ચને પાંચમી ફેબ્રુઆરીએ પચાસ વર્ષ પૂરાં કરીને એકાવનમા વર્ષમાં પ્રવેશ કર્યો છે. અભિષેકની પત્ની ઐશ્વર્યા રાય બચ્ચને આ પ્રસંગે પતિ અભિષેકને જન્મદિવસની શુભકામનાઓ આપી હતી.
અભિષેકનો વનપ્રવેશ
અભિષેક બચ્ચને પાંચમી ફેબ્રુઆરીએ પચાસ વર્ષ પૂરાં કરીને એકાવનમા વર્ષમાં પ્રવેશ કર્યો છે. અભિષેકની પત્ની ઐશ્વર્યા રાય બચ્ચને આ પ્રસંગે પતિ અભિષેકને જન્મદિવસની શુભકામનાઓ આપી હતી. આ શુભેચ્છા આપતી વખતે ઐશ્વર્યાએ સોશ્યલ મીડિયા પર અભિષેકની એક જૂની તસવીર શૅર કરી હતી. ક્રૉપ કરેલી આ બ્લૅક ઍન્ડ વાઇટ તસવીરમાં નાનકડા અભિષેક બચ્ચનની ફક્ત આંખો જ કૅમેરા તરફ જોતી નજર આવે છે. આ તસવીર શૅર કરીને ઐશ્વર્યાએ કૅપ્શન લખી, ‘પ્યારા બેબી પાપાને પચાસમી વર્ષગાંઠની ખૂબ-ખૂબ શુભકામનાઓ. અઢળક પ્રેમ, શાંતિ, ખુશી, સંતોષ અને સારા સ્વાસ્થ્ય સાથે. ભગવાન તમને આશીર્વાદ આપે. હંમેશાં ઝળહળતા રહો, પ્રેમની રોશનીમાં ચમકતા રહો.’
