ચાહકો અને ફોટોગ્રાફરોના કહેવાથી તેણે ‘ઍનિમલ’નો એક સિગ્નેચર-સીન રીક્રીએટ કરી બતાવ્યો હતો
બૉબી દેઓલ
બૉબી દેઓલે ૨૭ જાન્યુઆરીએ પોતાની ૫૬મી વર્ષગાંઠ ઊજવી હતી. ગઈ કાલે બૉબીને સોશ્યલ મીડિયા પર અનેક ચાહકો અને મિત્રોએ શુભેચ્છા પાઠવી હતી તો કેટલાક ફૅન્સે અલગ રીતે આ દિવસનું સેલિબ્રેશન પ્લાન કર્યું હતું. હકીકતમાં જ્યારથી બૉબીએ ‘ઍનિમલ’માં અબ્રારનો રોલ કર્યો છે ત્યારથી તેના ચાહકોની સંખ્યા ઘણી વધી છે.
આ દિવસની ઉજવણી કરવા બૉબીના કેટલાક ચાહકો તેના ઘરની બહાર ઉજવણી કરવા પહોંચી ગયા હતા. તેઓ પોતાની સાથે એક મોટી કેક અને મોટો લાડવો લઈને ગયા હતા. બૉબીએ પોતાના ચાહકો સાથે આ કેક અને લાડવો કટ કરીને સેલિબ્રેશન કર્યું હતું. બૉબી આ ઉજવણી કરતી વખતે ભારે ખુશ હતો.
ADVERTISEMENT
આ સેલિબ્રેશન પછી બૉબીએ ચાહકોનો આભાર માન્યો હતો. એ પછી ચાહકો અને ફોટોગ્રાફરોના કહેવાથી તેણે ‘ઍનિમલ’નો એક સિગ્નેચર-સીન રીક્રીએટ કરી બતાવ્યો હતો. જન્મદિવસે બૉબીએ કહ્યું હતું કે હું હવે મારી વેબ-સિરીઝ ‘આશ્રમ’ની આગામી સીઝનની રાહ જોઈ રહ્યો છું. આ સિરીઝમાં તેનું બાબા નિરાલાનું પાત્ર લાડુ ખવડાવીને ભક્તોને વશમાં કરી લે છે એટલે બૉબીના ચાહકો તેના જન્મદિવસે મોટો લાડુ લાવ્યા હતા.
