અગાઉ રણવીરની પ્રશંસા કરતાં ફરહાને જણાવ્યું હતું કે આ ફિલ્મ માટે રણવીર ગ્રેટ છે.
ફરહાન અખ્તર
રણવીર સિંહની ‘ડૉન 3’ની જ્યારથી અનાઉન્સમેન્ટ થઈ છે ત્યારથી જ તેના ફૅન્સમાં ફિલ્મને લઈને આતુરતા વધી ગઈ છે. આ ફિલ્મનું શૂટિંગ ભારતની સાથે વિદેશમાં પણ કરવામાં આવશે. આ જ કારણ છે કે થોડા દિવસો પહેલાં ફરહાન અખ્તર આકર્ષક લોકેશન શોધવા માટે લંડન અને જર્મની પહોંચ્યો હતો. આ વર્ષના અંતે ફિલ્મનું શૂટિંગ શરૂ થાય એવી શક્યતા છે. લગભગ ચાર મહિના શૂટિંગ ચાલશે. શાહરુખ ખાનની ‘ડૉન 2’નું શૂટિંગ પણ જર્મનીમાં થયું હતું. અગાઉ રણવીરની પ્રશંસા કરતાં ફરહાને જણાવ્યું હતું કે આ ફિલ્મ માટે રણવીર ગ્રેટ છે. ‘ડૉન 3’ની પહેલી ફિલ્મ ‘ડૉન ધ ચેઝ બિગિન્સ અગેઇન’ ૨૦૦૬માં રિલીઝ થઈ હતી. એમાં શાહરુખ ખાનની સાથે પ્રિયંકા ચોપડા જોનસ જોવા મળી હતી. ત્યાર બાદ એની સીક્વલ ‘ડૉન 2’ ૨૦૧૧માં રિલીઝ થઈ હતી.
