રિતેશ સાથે ફરી કામ કરવા ઇચ્છે છે જેનિલિયા
રિતેશ અને જેનિલિયા
જેનિલિયા દેશમુખની ઇચ્છા છે કે તે પતિ રિતેશ દેશમુખ સાથે ફરી જલદી કામ કરે. રિતેશ અને જેનિલિયાએ તેમની કરીઅરની શરૂઆત સાથે કરી હતી. તેઓ પહેલી વાર એકમેકને તેમની પહેલી ફિલ્મ 2003માં આવેલી ‘તુઝે મેરી કસમ’ના સેટ પર મળ્યાં હતાં. ત્યાર બાદ તેમણે ‘મસ્તી’ અને ‘તેરે નાલ લવ હો ગયા’માં સાથે કામ કર્યું હતું. ફરી સાથે કામ કરવા વિશે જેનિલિયાએ કહ્યું હતું કે ‘ઘણો લાંબો સમય થઈ ગયો છે. આશા રાખું છું કે અમે ફરી સાથે કામ કરીએ. હું હાલમાં ખૂબ જ ઇન્ટરેસ્ટિંગ પ્રોજેક્ટ વાંચી રહી છું.’