રાણા દગુબટ્ટીએ કહ્યું, ઍવેન્જર્સની જેમ કલ્કિ 2898 AD સાથે દુનિયાભરના લોકો કનેક્ટ થશે

આ ફિલ્મમાં પ્રભાસ, દીપિકા પાદુકોણ અને દિશા પાટણી લીડ રોલમાં દેખાશે.

રાણા દગુબટ્ટી

રાણા દગુબટ્ટીએ અમિતાભ બચ્ચનની ‘કલ્કિ 2898 AD’ની સરખામણી હૉલીવુડની ફિલ્મ ‘ઍવેન્જર્સ’ સાથે કરી છે. તેનું માનવું છે કે આ ફિલ્મમાં ‘ઍવેન્જર્સ’ જેવો અનુભવ થવાનો છે. આ ફિલ્મમાં પ્રભાસ, દીપિકા પાદુકોણ અને દિશા પાટણી લીડ રોલમાં દેખાશે. આ ફિલ્મ ૨૭ જૂને થિયેટરમાં રિલીઝ થવાની છે. ડિરેક્ટર નાગ અશ્વિનની ​ફિલ્મને લઈને પોતાનો ઉત્સાહ વ્યક્ત કરતાં રાણા કહે છે, ‘સૌથી ભવ્ય ફિલ્મ ‘કલ્કિ 2898 AD’ બનવાની છે. નાગ અશ્વિન મારો સારો ફ્રેન્ડ છે. માત્ર ભારતમાં જ નહીં, ભારતની બહાર રહેતા ભારતીયોને પણ આ ફિલ્મ કનેક્ટ કરશે. આપણા તરફથી ‘ઍવેન્જર્સ’ જેવી ફિલ્મ બને એની હું ઘણા સમયથી રાહ જોઈ રહ્યો હતો.’