રાષ્ટ્રીય ફિલ્મ પુરસ્કાર સમારોહમાં ભાગ લેવા આવેલા કાર્તિક આર્યને માણી સ્ટૅચ્યુ ઑફ યુનિટી ખાતે હરવાફરવાની મજા
કાર્તિક આર્યન
૭૨મા રાષ્ટ્રીય ફિલ્મ પુરસ્કાર સમારોહમાં ભાગ લેવા માટે એકતા નગર પહોંચેલા કાર્તિક આર્યને વિશ્વની સૌથી ઊંચી પ્રતિમા સ્ટૅચ્યુ ઑફ યુનિટીની મુલાકાત લીધી હતી. સરદાર વલ્લભભાઈ પટેલને સમર્પિત આ સ્મારક પર તેણે પુષ્પાંજલિ અર્પણ કરી અને દેશની એકતા તથા અખંડિતતાના શિલ્પીને શ્રદ્ધાંજલિ આપી હતી. આ મુલાકાત દરમ્યાન કાર્તિક આર્યને સ્ટૅચ્યુ ઑફ યુનિટીની વ્યુઇંગ ગૅલરીમાંથી નર્મદા નદી, સાતપુડા અને વિંધ્યાચલની ગિરિમાળાઓ તેમ જ સરદાર સરોવર નર્મદા ડૅમનાં દૃશ્યો નિહાળ્યાં હતાં. આ ઉપરાંત એકતા નગરમાં વિકસાવવામાં આવેલાં વિવિધ પ્રવાસનસ્થળો અને આધુનિક સુવિધાઓ વિશે પણ માહિતી મેળવી હતી.
