સોશિયલ મીડિયા પર વાયરલ થઈ રહેલા વીડિયોમાં, રાહુલ રૉય સૂટ પહેરીને ખુરશી પર બેઠેલા જોવા મળી રહ્યા છે, સાથે તેમના હાથમાં ગિટાર પણ છે અને તેઓ તેમની ફિલ્મ અશિકીની આઇકૉનિક ટ્રૅક સૉન્ગ પર લિપ-સિંક કરતા જોવા મળી રહ્યા છે.
રાહુલ રૉયનો વાયરલ વીડિયો (તસવીર: X)
૧૯૯૦માં અનુ અગ્રવાલ સાથે બૉલિવૂડની સૌથી પ્રખ્યાત ફિલ્મોમાંની એક આશિકીથી ખ્યાતિ મેળવનાર અભિનેતા રાહુલ રૉયનો એક નવો વીડિયો હવે સોશિયલ મીડિયા પર જોરદાર વાયરલ થઈ ગયો છે! ૫૯ વર્ષીય અભિનેતા રાહુલ રૉય તાજેતરમાં બિહારમાં પ્રખ્યાત ગણિત શિક્ષક આર. કે. શ્રીવાસ્તવની ભત્રીજીના લગ્નમાં હાજરી આપી હતી, જ્યાં તેમણે તેમની આઇકોનિક ફિલ્મ આશિકીનું ગીત અને એક સીન રજૂ કર્યો હતો. તેમણે ફિલ્મના લોકપ્રિય ટ્રેક ‘સાંસોં કી જરૂરત હૈ જૈસે’ પર લિપ-સિંકિંગ કરી દરેકને મનમોહિત કરી દીધા હતા, તેમનો આ વીડિયો હવે સામે આવ્યો છે.
બિહારના લગ્નમાં રાહુલ રૉય આશિકી ગીત રજૂ કર્યું
ADVERTISEMENT
સોશિયલ મીડિયા પર વાયરલ થઈ રહેલા વીડિયોમાં, રાહુલ રૉય સૂટ પહેરીને ખુરશી પર બેઠેલા જોવા મળી રહ્યા છે, સાથે તેમના હાથમાં ગિટાર પણ છે અને તેઓ તેમની ફિલ્મ અશિકીની આઇકૉનિક ટ્રૅક સૉન્ગ પર લિપ-સિંક કરતા જોવા મળી રહ્યા છે. દરમિયાન ભીડ તેમના આ પરફોર્મન્સ પર ઉત્સાહિત જોવા મળી રહી હતી અને તેમની સાથે લોકોએ ગીત પણ ગયું હતું. બાદમાં, તેમણે તેમના ચાહકોનું સ્વાગત પણ કર્યું અને સ્ટેજ પરથી તેમની સાથે હાથ મિલાવ્યો હતો. વીડિયો વાયરલ થયા પછી તરત જ, નેટીઝન્સે વ્યક્ત કર્યું કે રાહુલ `વધુ ખ્યાતિને પાત્ર છે.` ઘણા લોકોએ ધ્યાન દોર્યું કે કેવી રીતે સોશિયલ મીડિયા યુઝર્સે તેમના જીવનમાં આવેલા નાટકીય વળાંકની નોંધ લીધી, કૅમેરા સામે સ્ટાર બનવાથી લઈને હવે દેશના કૌટુંબિક કાર્યક્રમોમાં પરફોર્મ કરવા સુધી.
અહીં જુઓ વાયરલ વીડિયો
Showbiz can be cruel. pic.twitter.com/gOqlHoarJP
— Wokeflix (@wokeflix) November 29, 2025
નેટીઝન્સે કેવી પ્રતિક્રિયા આપી
એક યુઝરે લખ્યું, "તેમના માટે ખરાબ લાગે છે. એક સમયે સ્ટાર અને બિગ બૉસ સીઝન 1 ના વિજેતા." બીજા યુઝરે લખ્યું, "યાર આ ખૂબ જ દુઃખદ છે." "ક્યા ક્યા કરના પડતા હૈ પૈસા કે લિયે," એક યુઝરે લખ્યું. "તે બૉબી દેઓલની જેમ ઓટીટી સિરીઝમાં ભૂમિકાઓ કરી શકે છે," બીજી ટિપ્પણી વાંચી. જ્યારે બીજાએ કહ્યું, "ભગવાન કિસી કો ઇતને બુરે દિન ના દિખાયે." "ઇસ તરહ દેખ કર અચ્છા ન લગે બૉલિવૂડ વાલો કો શરમ આની ચાહિયે," બીજી એક ટિપ્પણી જોવા મળી.
રાહુલ રૉયને બ્રેઈન સ્ટ્રોક આવ્યો હતો
થોડા વર્ષો પહેલા, રાહુલને 2020 માં બ્રેઈન સ્ટ્રોક આવ્યો હતો જ્યારે તે લદ્દાખમાં LAC - Live the Battle in Kargil ના શૂટિંગમાં હતો. ત્યારબાદ, તેને તાત્કાલિક વોકહાર્ટ હોસ્પિટલ લઈ જવામાં આવ્યો, જ્યાં તેનું મગજ અને હૃદયની એન્જીયોગ્રાફી કરવામાં આવી હતી. પછીથી, રાહુલને 27 નવેમ્બર, 2020 ના રોજ મુંબઈની નાણાવટી હૉસ્પિટલમાં ICU માં દાખલ કરવામાં આવ્યા હતા. સલમાન ખાને રાહુલનું બિલ ચૂકવ્યું હતું જ્યારે તેઓ 1.5 મહિના સુધી હૉસ્પિટલમાં રહ્યો હતો.
