સ્થાનિકો પાસેથી મળેલી માહિતી પ્રમાણે ગોવેલી ગામમાં રહેતા ૩૫ વર્ષના કિરણ ઘોરડ એકનાથ શિંદેના નેતૃત્વવાળી શિવસેનાના ઍક્ટિવ મેમ્બર હતા
મૃત્યુ પામનાર કિરણ ઘોરડ
ટિટવાલા પાસે શિવસેનાના સ્થાનિક હોદ્દેદાર કિરણ ઘોરડની અજાણી વ્યક્તિઓએ હત્યા કરી હોવાની ઘટના સામે આવી હતી. પોલીસ પાસેથી મળેલી માહિતી પ્રમાણે શુક્રવારે મોડી રાત્રે કલ્યાણ-મુરબાડ રોડ પર આ ઘટના બની હતી. કિરણ ઘોરડ પોતાની કારમાં બહાર જઈ રહ્યા હતા ત્યારે ચારથી પાંચ અજાણ્યા લોકોએ તેમની કાર અટકાવીને ધારદાર હથિયારોથી તેમના પર હુમલો કર્યો હતો અને પછી લોહીમાં લથબથ હાલતમાં તેમને રસ્તા વચ્ચે મૂકીને ચાલ્યા ગયા હતા.
સ્થાનિકો પાસેથી મળેલી માહિતી પ્રમાણે ગોવેલી ગામમાં રહેતા ૩૫ વર્ષના કિરણ ઘોરડ એકનાથ શિંદેના નેતૃત્વવાળી શિવસેનાના ઍક્ટિવ મેમ્બર હતા. સ્થાનિક પોલીસ-સ્ટેશનના અધિકારીઓએ જણાવ્યું હતું કે અંગત દુશ્મની, મિલકતનો વિવાદ કે રાજકીય બાબત જેવાં તમામ કારણોને ધ્યાનમાં રાખીને આ મર્ડરની તપાસ ચાલી રહી છે.
