ભારતની 1983ના વર્લ્ડ કપમાં જીત પર આધારિત બહુપ્રતીક્ષિત ફિલ્મ 83 આ વર્ષે ક્રિસમસમાં રિલીઝ થવાની છે.
રણવીર સિંહ પત્ની દીપિકા પાદુકોણ સાથે. તસવીર/એએફપી
ભારતની 1983ના વર્લ્ડ કપમાં જીત પર આધારિત બહુપ્રતીક્ષિત ફિલ્મ 83 આ વર્ષે ક્રિસમસમાં રિલીઝ થવાની છે. કોરોનાને કારણે ગયા વર્ષે એપ્રિલથી ફિલ્મની રિલીઝમાં વિલંબ થયો છે,
ફિલ્મમાં કપિલ દેવની ભૂમિકા ભજવી રહેલા મુખ્ય અભિનેતા રણવીર સિંહે પોતાના સોશિયલ મીડિયા દ્વારા ફિલ્મ રિલીઝ થવાની પુષ્ટિ કરી છે. તેણે એમ પણ કહ્યું કે મલ્ટીસ્ટારર ફિલ્મ ભારતમાં પાંચ અલગ અલગ ભાષાઓમાં રિલીઝ થશે. અભિનેતાએ કેપ્શનમાં લખ્યું હતું કે “આ સમય છે. 83 સિનેમાસ આ ક્રિસમસમાં આવશે. તે હિન્દી, તમિલ, તેલુગુ, કન્નડ અને મલયાલમમાં રિલીઝ થશે. #Thisis83”
ADVERTISEMENT
View this post on Instagram
રણવીર સિંહની પત્ની દીપિકા પાદુકોણ પણ કપિલ દેવની પત્નીની ભૂમિકામાં ફિલ્મનો ભાગ છે જ્યારે બાકીની સ્ટારકાસ્ટ પણ શાનદાર છે જે 25 જૂન, 1983 ના રોજ લોર્ડ્સ ખાતે ઇતિહાસ રચનારી ટીમના વિવિધ ખેલાડીઓનું પાત્ર ભજવશે. અભિનેતા પંકજ ત્રિપાઠી પણ ટીમ મેનેજરના પાત્રમાં જોવા મળશે.
સ્પષ્ટપણે, સમગ્ર બોલિવૂડ અને મહારાષ્ટ્રના લોકો થિયેટરો ફરી શરૂ થવાની રાહ જોઈ રહ્યા હતા અને રાજ્ય સરકારે શનિવારે આની જાહેરાત કરી હતી. દિવાળીના બે સપ્તાહ પહેલા 22 ઓક્ટોબરથી તમામ થિયેટરો ફરી ખુલશે અને મહારાષ્ટ્ર આવકની દ્રષ્ટિએ બોલિવૂડમાં મોટું યોગદાન આપે છે તે જોતાં, તે દરેક માટે આવકારદાયક નિર્ણય હતો.
ઉલ્લેખનીય છે કે રોહિત શેટ્ટીની સૂર્યવંશી દિવાળીમાં રિલીઝ થવાની છે અને સાથે હવે મોટી રિલીઝ બહુપ્રતિક્ષિત 83-એ પણ દેશભરમાં રિલીઝ માટે ક્રિસમસનો સામે પસંદ કર્યો છે.
