રિયલિટી શો ‘ડાન્સ દીવાને’ની ત્રીજી સીઝનમાં આ વીક-એન્ડમાં માધુરીએ જે ડ્રેસ પહેર્યો છે એની આ કિંમત છે
માધુરી દીક્ષિત
ફિલ્મ માટે ભવ્યાતિભવ્ય ખર્ચ કરવામાં આવે એવું તો આપણે સાંભળીએ છીએ, પણ ટીવી-સિરિયલ અને એ પણ રિયલિટી શો માટે તોતિંગ ખર્ચ ક્યારેય થતો સાંભળવા મળ્યો નથી. જોકે હવે એ વાત ભૂતકાળ બની ગઈ છે. કલર્સ ચૅનલ રિયલિટી શો ‘ડાન્સ દીવાને’ની ત્રીજી સીઝનના એક એપિસોડ માટે માધુરી દીક્ષિતના જે કૉસ્ચ્યુમ તૈયાર થયા છે એની કિંમત ૭૨,૦૦૦ રૂપિયા છે. સ્કાયબ્લુ કલરના આ લહેંગા અને ચોલી પર જરીકામ કરવામાં આવ્યું છે અને ભાતિગળ ચિત્રો ઉપસાવવામાં આવ્યાં છે. ટ્રેડિશનલ લુક આપતા આ કૉસ્ચ્યુમ પર જ્યૉર્જેટની આછા બ્લુ રંગની ચૂની છે અને લો નેકની ચોલી છે.
આ જે આઉટફિટ છે એ દિલ્હીની કૉસ્ચ્યુમ ડિઝાઇનિંગ કંપની તૌરાનીએ તૈયાર કર્યાં છે. તૌરાની અનેક જાણીતી સેલિબ્રિટીના કૉસ્ચ્યુમ ડિઝાઇન કરે છે, પણ માધુરી માટે જે કૉસ્ચ્યુમ તૈયાર થયાં છે એની પાછળ તેણે માત્ર માધુરી જ નહીં, પણ માધુરીના નેચરને પણ ધ્યાનમાં રાખ્યો છે. માધુરીને જોતાં જ મનમાં શાંતિનો અનુભવ થતો હોવાથી માધુરીના આ કૉસ્ચ્યુમનો કલર તૌરાનીએ લાઇટબ્લુ એટલે કે આસમાની રંગનો રાખ્યો છે.
