નાનપણથી જ બાળકોને સારી રીતે સમજાવવામાં આવે તો તેઓ સમજી જાય છે.
પ્રતીકાત્મક તસવીર
‘પુષ્પા ઇમ્પૉસિબલ’માં પુષ્પા હવે સ્વરાની સ્કૂલ ટીચરનો ક્લાસ લેતી જોવા મળશે. સોની સબ પર આવતા આ શોમાં પુષ્પાનું પાત્ર કરુણા પાંડે, સ્વરાનું પાત્ર વ્રીહિ કોડવરા ભજવી રહી છે. તેને સ્કૂલમાં હોમવર્ક આપ્યું હોય છે. જોકે તેને એ કરાવનાર ઘરમાં કોઈ ન હોવાથી તે સ્કૂલમાં હોમવર્ક કર્યા વગર જાય છે. આ માટે તેને પનિશમેન્ટ આપવામાં આવે છે. સ્કૂલ ટીચર તેને આખો દિવસ ટેબલ પર ઊભા રહેવાની સજા આપે છે. પુષ્પાને આ વાતની જાણ થાય છે અને તેનાથી એ સહન નથી થતું. આથી તે સ્કૂલમાં જઈને ટીચરનો ક્લાસ લેતી જોવા મળશે. પુષ્પા માને છે કે બાળકોને સમજાવવાને બદલે તેમને સજા આપવી એ ખોટી વાત છે અને એ માટે અવાજ ઉઠાવવો જોઈએ. નાનપણથી જ બાળકોને સારી રીતે સમજાવવામાં આવે તો તેઓ સમજી જાય છે.
