° °

આજનું ઇ-પેપર
Monday, 17 January, 2022


વિવાદઃ રાહુલ વૈદ્યના ગરબે કી રાત ગીતનો કિર્તીદાન અને રાજભાએ કર્યો વિરોધ, કહ્યું કે..

15 October, 2021 02:42 PM IST | mumbai | Gujarati Mid-day Online Correspondent

રાહુલ વૈદ્યના ગરબી ગીતનો કિર્તીદાન સહિતના કલાકાર દ્વારા વિરોધ કરવામાં આવ્યો છે. આ ઉપરાંત આ ગીતને લઈ રાહુલ વૈદ્યને જાનથી મારી નાખવાની ધમકી પણ મળી છે.

રાહુલ વૈદ્ય અને કિર્તીદાન ગઢવી

રાહુલ વૈદ્ય અને કિર્તીદાન ગઢવી

મા શકિતની આરાધના કરવાનો પર્વ પૂર્ણ થાય તે પહેલા જ એક ગીત ને લઈ વિવાદો ઉભો થયો છે. રાહુલ વૈદ્ય અને ભૂમિ ત્રિવેદીના `ગરબે કી રાત` ગીતના ચિત્રણને લઈ વિવાદ થયો છે. આ મુદ્દે રાજભા ગઢવી, કિર્તીદાન ગઢવી સહિતના કલાકારોએ ગીતને હટાવવાની માંગ કરી છે. તો બીજી બાજુ બિગ બોસ 14 ફેમ રાહુલ વૈદ્યને જાનથી મારી નાખવાની ધમકીઓ મળી રહી છે.  

શું છે વિવાદ?

તાજેતરમાં જ નવરાત્રી પ્રસંગે તેમનું નવું ગીત `ગરબે કી રાત` રિલીઝ કરવામાં આવ્યું છે. આ ગીત રિલીઝ થતાં જ આ ફિલ્મ હિટ બની છે. આ ગીત ભૂમિ ત્રિવેદીએ રાહુલ સાથે ગાયું છે, જ્યારે વિડિયોમાં નિયા શર્મા રાહુલ સાથે ગરબા કરતી જોવા મળી રહી છે. એક તરફ લોકો આ ગીત પર ઝૂમતાં જોવા મળી રહ્યા છે તો બીજી તરફ આ ગીત પર વિવાદ શરૂ થયો છે. વિવાદ એટલો વધી ગયો છે કે આ ગીતને કારણે રાહુલને જાનથી મારી નાખવાની ધમકીઓ મળવા લાગી છે. તે સતત ટ્રોલના નિશાના હેઠળ આવી રહ્યો છે. મામલાને જોતા હવે રાહુલ પોલીસ સ્ટેશનમાં પણ એફઆઈઆર કરાવવાનું વિચારી રહ્યો છે. 

રાહુલ વૈદ્યનું આ ગીત દેવી `શ્રી મોગલ મા` પર આધારિત છે. ગુજરાતમાં તેમની વિશેષ ઓળખ છે. મોગલ માના ભક્તોને ગીતમાં તેનો ઉલ્લેખ ગમતો નથી. તે ઇચ્છે છે કે ગીતમાંથી મોગલ માનો ઉલ્લેખ દૂર કરવામાં આવે. આ ઉપરાંત રાજભા અને કિર્તીદાન સહિતના કલાકારોએ ગીતમાં જે રીતે દ્રશ્યોનું ચિત્રણ કરવામાં આવ્યું છે તેનો વિરોધ કર્યો છે અને ગીટને હટાવવાની માંગ કરી છે. તેમણે કહ્યું કે અશોભનીય અને અશ્લીલ દ્રશ્યો માતાના અપમાનજનક છે અને તેની સમાજ પર ખોટી એસર પડે છે. 

રાહુલને સોશિયલ મીડિયા પર આ ગીતને લઈને સતત ધમકીઓ મળી રહી છે. હદ ત્યારે પહોંચી ગઈ જ્યારે તેને મેસેજ અને કોલ પર જાનથી મારી નાખવાની ધમકીઓ મળવા લાગી. મામલાની ગંભીરતાને જોતા રાહુલ હવે પોલીસ સ્ટેશનમાં FIR કરાવે છે. જોકે, રાહુલ વૈદ્યએ આ તમામ મુદ્દા પર માફી માગી મોગલ મો નો શબ્દ હટાવી દેશે તેવું કહ્યું છે. તેમણે કહ્યું તેમને  બે અથવા ત્રણ દિવસો સમય આપવામાં આવે. 

15 October, 2021 02:42 PM IST | mumbai | Gujarati Mid-day Online Correspondent

અન્ય લેખો

ટેલિવિઝન સમાચાર

ફેબ્રુઆરીના અંત સુધી એક્સટેન્ડ કરવામાં આવ્યો ‘બિગ બૉસ 15’?

શોને વધુ ઇન્ટરેસ્ટિંગ બનાવવા માટે વધુ છ વાઇલ્ડ કાર્ડને એન્ટ્રી આપવાની ચર્ચા

15 January, 2022 02:25 IST | Mumbai | Gujarati Mid-day Correspondent
ટેલિવિઝન સમાચાર

‘બિગ બૉસ’માં વાઇલ્ડ કાર્ડ એન્ટ્રી કરશે સિમ્બા નાગપાલ?

બિગ બૉસ 15’માં સિમ્બા નાગપાલ વાઇલ્ડ કાર્ડથી એન્ટ્રી કરવાનો છે એવી ચર્ચા ચાલી રહી છે.

14 January, 2022 12:06 IST | Mumbai | Gujarati Mid-day Correspondent
ટેલિવિઝન સમાચાર

બીજી વખત કોરોના થયો રુબીનાને

રુબીના દિલૈકને બીજી વખત કોરોના થયો છે. કોરોનાની ત્રીજી લહેર ખૂબ ઝડપથી પોતાનો કેર વર્તાવી રહી છે

14 January, 2022 11:27 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK