° °

આજનું ઇ-પેપર
Monday, 27 September, 2021


અનિલ કપૂરની કુકિંગ સ્કિલ પર શંકા હતી ફારાહ ખાનને

14 September, 2021 12:00 PM IST | Mumbai | Gujarati Mid-day Correspondent

ફારાહ ખાન કુંદરને એ વાતની શંકા હતી કે અનિલ કપૂરને રસોઈ આવડશે કે નહીં. અનિલ કપૂર ‘સ્ટાર વર્સસ ફૂડ સીઝન 2’માં જોવા મળવાનો છે.

અનિલ કપૂર - ફરાહ ખાન - તસવીર - યોગેન શાહ

અનિલ કપૂર - ફરાહ ખાન - તસવીર - યોગેન શાહ

ફારાહ ખાન કુંદરને એ વાતની શંકા હતી કે અનિલ કપૂરને રસોઈ આવડશે કે નહીં. અનિલ કપૂર ‘સ્ટાર વર્સસ ફૂડ સીઝન 2’માં જોવા મળવાનો છે. ફારાહને તેની પાસેથી જરા પણ અપેક્ષા નહોતી. આ શોમાં સ્ટારનાં ફૅમિલી અને ફ્રેન્ડ્સને પણ આમંત્રિત કરવામાં આવે છે. આ શોમાં ફારાહની સાથે સંજય કપૂરની વાઇફ મહીપ કપૂર અને અરબાઝ ખાનને બોલાવવામાં આવ્યાં હતાં. એ દરમ્યાન અનિલ કપૂરે ‘સ્લો રોસ્ટ લૅમ્બ સ્લાઇડર’ અને ‘નોચી પાસ્તા’ શેફ ગણેશના માર્ગદર્શનમાં બનાવ્યા હતા. એ વિશે ફારાહે કહ્યું હતું કે ‘તેની પાસે તો મને કોઈ અપેક્ષા નહોતી, કારણ કે હું તેને ૩૦ વર્ષોથી ઓળખું છું અને તેને કદી પણ રસોઈ કરતા નથી જોયો. જોકે આ સારી વાત કહેવાય કેમ કે મેં પણ શૂન્યથી શરૂઆત કરી હતી. એથી જો એ વધુ ભુંજાઈ ગયેલું અથવા તો ખાઈ ન શકીએ એવું હોય તો અપેક્ષા કરતાં એ વધુ સારું રહેશે. મને પાસ્તા નથી પસંદ, પરંતુ આ ‘નોચી પાસ્તા’ ખૂબ ટેસ્ટી હતા.’

તો બીજી તરફ મહીપે કહ્યું હતું કે ‘મારાં લગ્નને ૨૧ વર્ષ થયાં છે. એ અગાઉ સંજય સાથે ૫ વર્ષ રિલેશન હતું. એથી કુલ મળીને આ ફૅમિલીમાં મને ૨૬ વર્ષ પસાર થયાં છે. અનિલ કદી પણ કિચનમાં નથી ગયા. એથી એમ કહી શકાય કે ૨૬ વર્ષ બાદ હું અનિલ કપૂરના હાથે બનાવેલું ફૂડ ખાઈ રહી છું.’

આ શો ૧૫ સપ્ટેમ્બરથી ડિસ્કવરી+ પર શરૂ થવાનો છે. આ શોનું શૂટિંગ પૂરું કર્યા બાદ અનિલ કપૂરે કહ્યું હતું કે ‘આ શોનો અંત ખૂબ ઇમોશનલી થયો, કારણ કે શો દરમ્યાન મને મારી મમ્મીની ખૂબ યાદ આવી હતી. તે જે રીતે તેના બનાવેલા ભોજનની પ્રશંસાના બે શબ્દો માટે રાહ જોતી હતી એ નાની બાબત પણ તેને ખૂબ ખુશ કરી દેતી હતી. એ જ ફીલિંગ મને મળી જ્યારે ફારાહ, અરબાઝ અને મહીપે કહ્યું કે ફૂડ ટેસ્ટી હતું. અંદરથી તમને ખુશી મળે છે કે તમે સારું ફૂડ પીરસીને લોકોને ખુશ કર્યા છે.’

14 September, 2021 12:00 PM IST | Mumbai | Gujarati Mid-day Correspondent

અન્ય લેખો

વેબ સિરીઝ

‘ક્લાસ ઑફ 2020’માં જોવા મળશે શેફાલી જરીવાલા

આ સિરીઝ ALTBalaji પર રિલીઝ થવાની છે જેમાં વિકાસ ગુપ્તા અને રોહન મેહરા પણ જોવા મળશે

25 September, 2021 02:07 IST | mumbai | Gujarati Mid-day Correspondent
વેબ સિરીઝ

દોસ્તી, પ્રેમ અને સપનાંને સાકાર કરતાં દેખાડતી ‘કોટા ફૅક્ટરી 2’

કોટામાં આવી ગયા બાદ રોજિંદી લાઇફની સાથે સ્ટડીમાં કેવી ચૅલેન્જિસ આવે છે અને એક્ઝામ પહેલાં કેવો માહોલ હોય છે એને ખૂબ જ સારી રીતે દેખાડવામાં આવ્યું છે : કેટલાક મુદ્દા વિશે વાત કરવામાં આવી છે પરંતુ ઉપરછલ્લી કરી છોડી દેવામાં આવી છે

25 September, 2021 02:04 IST | mumbai | Harsh Desai
વેબ સિરીઝ

ઝી થિયેટર અને શ્રેયસ તલપડેનું ‘નાઈન રાસા’ લઈને આવી રહ્યાં છે કંઈક નવું

ઝી થિયેટરે પોતાના પ્લેટફૉર્મ પર ‘નાઈન રાસા’ના નાટકો દર્શાવશે

23 September, 2021 10:31 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK