‘ધ ફૅમિલી મૅન’ની ત્રીજી સીઝન પ્રાઇમ વિડિયો પર સ્ટ્રીમ કરવામાં આવી છે
`ધ ફૅમિલી મૅન`માં મનોજ બાજપાઈ
હાલમાં મનોજ બાજપાઈને લીડ રોલમાં ચમકાવતી ‘ધ ફૅમિલી મૅન’ની ત્રીજી સીઝન પ્રાઇમ વિડિયો પર સ્ટ્રીમ કરવામાં આવી છે. આ સીઝનના અંત પછી ઘણા ફૅન્સ કન્ફ્યુઝનમાં છે કે આ સિરીઝ પૂરી થઈ ગઈ કે પછી હવે એની ચોથી સીઝનનું પ્લાનિંગ કરવામાં આવ્યું છે. હાલમાં સોશ્યલ મીડિયામાં એક યુઝરે મનોજ બાજપાઈને તેને સતાવતો આ સવાલ પૂછી જ લીધો કે મને એટલું તો કહો કે સીઝન ૪ આવશે કે તમે સ્ટોરી અહીં પૂરી કરી દીધી છે? આ સવાલના જવાબમાં મનોજે કહ્યું કે સૌના જવાબ ચોથી સીઝનમાં મળશે, જલદી મળીશું. મનોજના આ જવાબે કન્ફર્મ કરી દીધું છે કે ‘ધ ફૅમિલી મૅન’ની ચોથી સીઝન આવવાની છે.
