Student of the Yearનું નામ આવે એટલે આંખો સામે કોલેજની ચકાચૌંધ, દોસ્તી, દુશ્મની, રોમાન્સ અને મોટા સપનાઓની દુનિયા આવી જાય. પરંતુ Student of the Year: After Dark આ વખતે જૂના ટ્રેક પરથી હટીને કંઈક અલગ જ લઈને આવી છે.
Student of the Year: After Darkમાં શનાયા કપૂરે જમાવી ધાક
રેટિંગ: : 4/5 સ્ટાર
Student of the Yearનું નામ આવે એટલે આંખો સામે કોલેજની ચકાચૌંધ, દોસ્તી, દુશ્મની, રોમાન્સ અને મોટા સપનાઓની દુનિયા આવી જાય. પરંતુ Student of the Year: After Dark આ વખતે જૂના ટ્રેક પરથી હટીને કંઈક અલગ જ લઈને આવી છે. સ્ટ. ટેરેસાની એ જ જાણીતી દુનિયામાં આ વખતે મર્ડર મિસ્ટ્રી, માનસિક ઉથલપાથલ અને રહસ્યોનું એવું જાળું બિછાવવામાં આવ્યું છે કે ગ્લેમર પાછળ છુપાયેલાં ચહેરાં પણ શંકાના દાયરામાં આવી જાય છે.
ADVERTISEMENT
રીમા માયાના ડિરેક્શનમાં બનેલી આ છ એપિસોડની સિરીઝનું નિર્માણ ધર્માટિક એન્ટરટેઇનમેન્ટે કર્યું છે અને તે હાલમાં JioHotstar પર સ્ટ્રીમ થઈ રહી છે. કરણ જોહર, અદાર પૂનાવાલા અને અપૂર્વા મહેતાના સપોર્ટ સાથે આ સિરીઝ ફ્રેન્ચાઇઝીને એક નવા ક્રિએટિવ અંદાજમાં રજૂ કરવાનો પ્રયાસ કરે છે. એટલે કે જૂની ઓળખ તો છે જ, પણ આ વખતે મસાલો કંઈક વધારે ડાર્ક અને સસ્પેન્સફુલ છે!
કોલેજ ડ્રામા, પણ આ વખતે અંદાજ જરા અલગ!
કહાનીની શરૂઆત થાય છે સ્ટ. ટેરેસાની સૌથી લોકપ્રિય અને સૌની ફેવરિટ સ્ટુડન્ટ આયેશા મલિકના રહસ્યમય મોતથી. શનાયા કપૂર આયેશા અને તેની જોડિયા બહેન અદિતિ, બંનેનો રોલ ભજવે છે. અદિતિ પોતાની બહેનના મોત પાછળનું સત્ય જાણ્યા વિના શાંતિથી બેસવા તૈયાર નથી.
સત્યની શોધમાં નીકળેલી અદિતિ ધીમે-ધીમે એવા રહસ્યો સુધી પહોંચે છે, જેમાં સિક્રેટ કોમ્પિટિશન, અંગત મહત્વાકાંક્ષાઓ અને છુપાયેલા સંબંધોની આખી રમત સામે આવે છે. સિરીઝ તરત જ બધાં પત્તાં ખોલી નાખતી નથી, પરંતુ દરેક એપિસોડ સાથે શંકા અને સસ્પેન્સનો પારો વધારતી જાય છે.
આ સિરીઝની એક રસપ્રદ વાત એ છે કે અહીં કોલેજનું વાતાવરણ જ મિસ્ટ્રીનો મહત્ત્વનો હિસ્સો બની જાય છે. બહારથી ચમકધમક, સ્ટાઇલ અને સ્ટુડન્ટ્સની રાઇવલરી દેખાય છે, પરંતુ અંદરખાને મહત્વાકાંક્ષા ક્યારે ખતરનાક વળાંક લઈ લે, તેનો કોઈને અંદાજ પણ નથી આવતો.
શનાયા કપૂરે લૂંટી લીધી મહેફિલ!
શનાયા કપૂરને આ સિરીઝમાં પોતાની એક્ટિંગ ટેલેન્ટ બતાવવાની સારી તક મળી છે અને તેણે આ તકનો ભરપૂર ફાયદો ઉઠાવ્યો છે. એકસાથે બે અલગ-અલગ પાત્રો ભજવવા એ સરળ કામ નથી. બંનેના સ્વભાવ, લાગણીઓ અને વિચારવાની રીતમાં ફરક જાળવવો પડે છે અને શનાયા આ પડકારને સારી રીતે હેન્ડલ કરે છે.
અદિતિના રોલમાં શનાયા ઇમોશનલ ઇન્ટેન્સિટી લઈને આવે છે, જે તેની તપાસને વિશ્વસનીય બનાવે છે. એક તરફ તે બહેનને ગુમાવવાના દુઃખમાંથી પસાર થઈ રહી છે, તો બીજી તરફ આસપાસના લોકોની અસલીયત સમજવાનો પ્રયાસ કરી રહી છે. આ બંને લાગણીઓ વચ્ચેનો સંઘર્ષ શનાયા પોતાના અભિનયમાં કોન્ફિડન્સ સાથે રજૂ કરે છે.
બીજી તરફ, આયેશાના પાત્રમાં તેમનો અંદાજ એકદમ અલગ છે. તેના દ્વારા દર્શકોને એ છોકરીના વ્યક્તિત્વને સમજવાની તક મળે છે, જેના રહસ્યમય મોતની આસપાસ આખી કહાની ફરે છે.
ક્રિએટિવ ટ્રીટમેન્ટ અને ટેક્નિકલ પાસાં:
ડિરેક્ટર રીમા માયાએ સિરીઝને એક અલગ જ માહોલ આપ્યો છે. પાત્રો વચ્ચેનું સસ્પેન્સ જાળવી રાખવામાં તેમનું ડિરેક્શન અસરકારક સાબિત થાય છે. શાનદાર પ્રોડક્શન ડિઝાઇન અને વિઝ્યુઅલ પ્રેઝન્ટેશન કોલેજની દુનિયાને વધુ જીવંત બનાવે છે.
નાઇટ સોંગ અને શાલોમ બેન્જામિનના ઓરિજિનલ બેકગ્રાઉન્ડ સ્કોરની પણ પ્રશંસા કરવી પડે. મ્યુઝિક સીન પર હાવી થયા વિના જરૂરી ટેન્શન અને સસ્પેન્સ ઊભું કરે છે.
દિવિક શર્મા, અભિનવ સિંહ, માન્યા ગ્રોવર, દીયા દામિની અને આદિ મલિક સહિતની સપોર્ટિંગ કાસ્ટ પણ પાત્રો વચ્ચેના બદલાતા સમીકરણોમાં રસપ્રદ રંગ ઉમેરે છે.
ફાઇનલ ટેક:
ભલે અમુક સીન્સની એડિટિંગ થોડી વધુ શાર્પ થઈ શકી હોત, પરંતુ ઓવરઓલ અનુભવ મનોરંજક રહે છે. Student of the Year: After Dark એક જાણીતી ફ્રેન્ચાઇઝીને નવા અંદાજમાં રજૂ કરવાનો સારો પ્રયાસ છે અને શનાયા કપૂર તેની સૌથી મોટી તાકાત બનીને સામે આવે છે.
જો તમને મિસ્ટ્રી, યંગસ્ટર્સનું ડ્રામા અને સસ્પેન્સનો મસાલો એકસાથે માણવો ગમતો હોય, તો આ સિરીઝ તમારા વીકએન્ડ બિન્જ-વોચ માટે એકદમ પરફેક્ટ છે!
રેટિંગ: : 4/5 સ્ટાર
