° °

આજનું ઇ-પેપર
Wednesday, 01 December, 2021


કુદરત પણ ઇચ્છે છે કે સ્ત્રી-પુરુષ એકબીજામાં મળીને અભિન્ન બને

18 October, 2021 10:47 AM IST | Mumbai | Swami Sachidanand

નક્કી કરી આપેલી સાચી કે ખોટી રૂઢિઓનો મોટો રક્ષક વર્ગ પણ સ્ત્રીઓ પોતે જ થઈ અને એને લીધે લગભગ બધા જ સમાજસુધારકો પુરુષો થયા.

પ્રતીકાત્મક તસવીર

પ્રતીકાત્મક તસવીર

પોતાના પ્રશ્નોનો નિકાલ કરતાં પુરુષોએ જાતે જ નક્કી કરી લીધું છે કે સ્ત્રીઓના પ્રશ્નોનો નિકાલ પણ તે પોતે જ કરશે. સ્ત્રીના તમામ પ્રશ્નોનો નિકાલ કરવાનો ભાર પુરુષે પોતાના પર રાખ્યો હોવાથી તેણે સ્ત્રી માટે જે સમાધાનો નક્કી કર્યાં તે તેના પોતાના દૃષ્ટિકોણથી કર્યાં. સ્ત્રી સ્વયં આ બાબત પર શું દૃષ્ટિ ધરાવે છે એની ભાગ્યે જ પરવા કરવામાં આવી છે. સ્ત્રીએ ક્યાં પરણવું, ક્યાં રહેવું, કેમ બોલવું, કેમ ચાલવું, કેમ ખાવું, કેમ કપડાં પહેરવાં, કોને ત્યાં જવું, કોને ત્યાં ન જવું, કોની સાથે વાત ન કરવી, ક્યારે સૂવું તથા ક્યારે જાગવું, કેટલાં બાળકો પેદા કરવાં અને આવી જ સેંકડો વાતોમાં બધું જ પુરુષોએ નક્કી કર્યું હોય એ પ્રમાણે કરવાનું. વિધવા થયા પછી સતી થવું કે મુંડન કરાવીને ભૂંડા વેશે આર્થિક લાચારી સાથે જીવવાના ઢસરડા કર્યા કરવા એ પણ પુરુષો નક્કી કરે. પુરુષપ્રધાન સમાજની આ કરુણતા છે, પણ આ કરુણતાને સ્ત્રીએ સ્વીકારી એ મોટી કરુણતા છે.
નક્કી કરી આપેલી સાચી કે ખોટી રૂઢિઓનો મોટો રક્ષક વર્ગ પણ સ્ત્રીઓ પોતે જ થઈ અને એને લીધે લગભગ બધા જ સમાજસુધારકો પુરુષો થયા. સ્ત્રીઓમાંથી ભાગ્યે જ કોઈ સમાજસુધારક થઈ હોય. કહ્યું એમ, એનું કારણ તે પોતે જ હોય. જે હોય તે, પણ સ્ત્રીજાગૃતિ તથા સ્ત્રીવિકાસમાં મહત્ત્વનો ફાળો પુરુષોનો જ રહ્યો છે એ વાત પણ અવગણી ન શકાય. મને લાગે છે કે એનું એક કારણ પુરુષમાં સમાઈ જવાની અને પોતાના અસ્તિત્વને પુરુષમાં વિલીન કરી દેવાની સ્ત્રીની કુદરતી સહજ વૃત્તિ હોય. થોડાક અપવાદો સિવાય લગભગ બધી જ સ્ત્રીઓમાં આ વૃત્તિ જોઈ શકાય છે અને આ વૃત્તિ જ સ્ત્રીઓનો સમર્પણભાવ પ્રજ્વલ્લિત કરે છે.
આ વૃત્તિ માત્ર માણસમાં નહીં, પશુ-પક્ષી-કીટ જેવી તમામ યોનિઓમાં પણ હોય છે. લગભગ બધી જ માદાઓ નરને આધીન થઈને જીવન જીવે છે. આ આધીનતા મોટા ભાગે સુખાકારી આપનારી પુરવાર થઈ છે. આવી આધીનતાને તે સ્વયં ઇચ્છે છે અને ન મેળવી શકનાર પોતાને હતભાગી માને છે. 
કુદરતી વ્યવસ્થા જ એવી છે કે સ્ત્રીઓ પુરુષોથી તથા પુરુષો સ્ત્રીઓથી કદી સ્વતંત્ર કે નિરપેક્ષ થઈ શકે નહીં. બન્નેને એકબીજાનાં પરાધીન બનાવાયાં છે. 
આ પરાધીનતામાંથી તો દામ્પત્યજીવન પ્રકટ્યું છે. જો દ્વૈત સ્વાધીન અને સુખાકારી હોય તો દામ્પત્યનું અદ્વૈત ખીલી શક્યું ન હોત. કુદરત પણ ઇચ્છે છે કે સ્ત્રી-પુરુષનાં બે જુદાં-જુદાં વ્યક્તિત્વો એકબીજામાં મળીને અભિન્ન બને.

18 October, 2021 10:47 AM IST | Mumbai | Swami Sachidanand

અન્ય લેખો

એસ્ટ્રોલૉજી

ઘણી વાર અપાપને પાપ તથા અપુણ્યને પુણ્ય માનવામાં આવે છે

સાંભળનારા જરા પણ પૂરી તપાસ કર્યા વિના તરત જ આવી વાતો માની લેતા હોય છે અને પછી એ વાતોનો વંટોળિયો ઠેઠ આકાશ સુધી ઘૂમરીઓ લેવા લાગે છે. જોતજોતામાં એક વ્યક્તિનું જીવન ધૂળધાણી થતું હોય છે, જેનાથી બચવા અનેક દંભો ઊભા કરાયા છે. 

29 November, 2021 08:43 IST | Mumbai | Swami Sachidanand
એસ્ટ્રોલૉજી

બધી અહલ્યાઓને રામ નથી મળતા, ધોબી જોઈએ એટલા મળે

આ રીતે આપણે પ્રજાના એક પ્રશ્નનું સમાધાન કરવા સદીઓથી મથી રહ્યા છીએ. જ્યાં સુધી કોઈ બીજો ઉત્તમ માર્ગ ન નીકળે ત્યાં સુધી આ માર્ગ ખોટો નથી.    

28 November, 2021 09:44 IST | Mumbai | Swami Sachidanand
એસ્ટ્રોલૉજી

જાણો તમારું સાપ્તાહિક રાશિભવિષ્ય

આપ દરેક કાર્ય સમય કરતાં વહેલું પૂરું કરવાના પ્રયત્નમાં રહેશો.

28 November, 2021 07:29 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK