° °

આજનું ઇ-પેપર
Monday, 27 September, 2021


વિચાર એ બુદ્ધિનું પ્રમાણ છે, જ્યારે પ્રેમ હૃદયની ઓળખાણ છે

09 September, 2021 01:31 PM IST | Mumbai | Morari Bapu

બહુ સહજ છે આ પરિભાષા સમજવી. મેહુલો ગાજે ને માધવ નાચે એ પ્રેમ. કોઈ ઘટના, કોઈ દર્શન જોઈને નાચી ઊઠો એ જ પ્રેમ. જેને જોઈને, સાંભળીને, સમીપ જઈને તમારું મન મોર બની થનગાટ કરે એ પ્રેમ.

પ્રતીકાત્મક તસવીર

પ્રતીકાત્મક તસવીર

આપણે પ્રેમની વાત કરીએ છીએ અને પ્રેમની વાત થતી હોય ત્યારે સૌથી પહેલાં તો સમજવું પડે કે પ્રેમની પ્રતીતિ છે શું? પ્રેમ કહીશું કોને? શું કરીએ તો એ પ્રેમ થયો કહેવાય? 
બહુ સહજ છે આ પરિભાષા સમજવી. મેહુલો ગાજે ને માધવ નાચે એ પ્રેમ. કોઈ ઘટના, કોઈ દર્શન જોઈને નાચી ઊઠો એ જ પ્રેમ. જેને જોઈને, જેને સાંભળીને, જેની સમીપ જઈને તમારું મન મોર બની થનગાટ કરે એ પ્રેમ અને એવી જ રીતે જેના ચાલ્યા જવાથી, જેની ગેરહાજરીથી બધું અસાર થઈ જાય એ પ્રીતિની પ્રતીતિ.
પ્રેમનો અર્થ છે કે કોઈ પણ પરિસ્થિતિમાં એ ઘટે નહીં. જેના વગર એક પળ પણ પસાર કરવી મુશ્કેલ લાગે એને પ્રીતિ કહી છે. કોઈ પણ પરિસ્થિતિ, આક્ષેપ, વિક્ષેપ, શંકા પ્રેમધારાને જરા પણ અવરોધી ન શકે એ જ સાચી પ્રીતિ. જીવ જે પ્રેમ કરે છે એ નિત્ય નથી હોતો. શાશ્વત પ્રેમ તો પ્રભુ પાસેથી જ મળે. જેને પ્રેમ પ્રાપ્ત થઈ જાય તે અવતાર બની જાય છે. પ્રેમ વધ્યો, ભાવ વધ્યો એનું પ્રમાણ શું? પ્રમાણ એ કે તમે બધાથી પર થઈ જાઓ. પાપ ન દેખાય, પુણ્ય ન દેખાય, કેવળ પ્રેમ જ દેખાય. ધર્મ-અધર્મ ન દેખાય, કેવળ પ્રેમ દેખાય.
પ્રેમ સંપદા છે. પ્રેમ પોતે જ પરિપૂર્ણ છે. પ્રેમમાંથી તમે ગમેએટલો પ્રેમ આપો, પ્રેમ એટલો જ રહેશે. પ્રેમ ક્યારેય ઘટે નહીં. 
ઓમ પૂર્ણ મદઃ પૂર્ણ મિદમ, 
પૂર્ણાત પૂર્ણ મુદચ્યતે, 
પૂર્ણસ્ય પૂર્ણ માદાય, 
પૂર્ણ મેવાવસીશ્યતે. 
ઓમ શાંતિ શાંતિ શાંતિ. 
પ્રેમ માણસની આંખનું ઑપરેશન કરે છે. પ્રેમની આંખમાં પ્રેમ જ જોવા મળે છે. પ્રેમની આંખમાં પરમાત્મા હોય છે, પ્રેમીની આંખ જોવા જેવી હોય છે. તેને જોતાં જ આંખોમાં અહોભાવ જન્મી જાય. વિચાર એ બુદ્ધિનું પ્રમાણ છે, એવી જ રીતે પ્રેમ એ હૃદયની ઓળખાણ છે. બુદ્ધિ મેળવતાં શીખવે, પ્રેમ આપવાનું જાણે. બુદ્ધિ પામતાં શીખવે, પ્રેમ સહર્ષ અપનાવવાનું જાણે. બુદ્ધિ ગણતરી શીખવે, પ્રેમ ગણતરી ભુલાવે.
પ્રેમની ચાર રીત દર્શાવવામાં આવી છે; આસ્થા, શ્રદ્ધા, વિશ્વાસ અને આત્મીયતા. આ ચારેય જેમાં છે તે પ્રેમ કરી શકે છે. જે પ્રેમ કરે છે એમાં આ ચારેય હોય છે. કોઈ એમ કહે કે પ્રેમ કરીએ છીએ, પણ આ ચારેય ન હોય તો એ કેવળ છેતરપિંડી છે. 

09 September, 2021 01:31 PM IST | Mumbai | Morari Bapu

અન્ય લેખો

એસ્ટ્રોલૉજી

હિન્દુ પ્રજાએ અહિંસાવાદથી ખરેખર તો નુકસાનકર્તા એવું અશૌર્ય મેળવ્યું છે

તમારી ચારે બાજુ ધાર્મિક શક્તિઓ રાજકીય લાભ મેળવવા ફૂંફાડા મારતી હોય અને સફળ થતી હોય ત્યારે તમે જો ધાર્મિક ક્ષેત્રની ઉપેક્ષા કરો તો પરિણામ દુ:ખદાયી જ આવે. આદર્શવાદ ઉત્તમ છે, પણ એ જો એકપક્ષી હોય તો સ્વવિનાશક થઈ શકે છે.

26 September, 2021 07:38 IST | Mumbai | Swami Sachidanand
એસ્ટ્રોલૉજી

જાણો તમારું સાપ્તાહિક રાશિભવિષ્ય

શારીરિક સૌંદર્યને નવો ઓ૫ આપવા માટે પ્રયાસ કરશો. આપની નવી સજાવટ આપને વધારે પ્રભાવશાળી અને સુંદર બનાવશે.

26 September, 2021 07:14 IST | Mumbai | Gujarati Mid-day Correspondent
એસ્ટ્રોલૉજી

દૈહવાદીમાં દેહ મહત્ત્વનો, દિલવાદીમાં દિલ મહત્ત્વનું

બન્ને પલ્લાં સમતોલ છે, પ્રેમતત્ત્વનો એક વિશિષ્ટ પ્રકાર છે; એ પ્રેમ કરે, આ પ્રેમ કરે. એ યાદ કરે, આ યાદ કરે, એ વિરહ અનુભવે, આ વિરહ અનુભવે. અન્યોન્ય. જે છે એ બન્નેને છે અને બન્નેને છે એટલે પલ્લાં સમતોલ છે.

23 September, 2021 07:54 IST | Mumbai | Morari Bapu

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK