° °

આજનું ઇ-પેપર
Monday, 14 June, 2021


હું મારા બાળકોને સેક્સની કૉલમ વાંચવા દઉં કે નહીં?

08 June, 2021 03:27 PM IST | Mumbai | Dr. Mukul Choksi

જ્ઞાન નહીં પણ કોઈ પણ વિષયનું અજ્ઞાન નુકસાનકર્તા બની શકે, વાજબી રીતે મેળવેલું જ્ઞાન હંમેશાં લાભદાયી હોય પછી એ સેક્સનો વિષય કે પાકશાસ્ત્રનો હોય

પ્રતીકાત્મક તસવીર

પ્રતીકાત્મક તસવીર

મને આ પ્રકારની કૉલમ વાંચવી બહુ ગમે છે, પણ એ વાંચ્યા પછી મને એવું થયા કરે કે આવું ન વાંચવું જોઈએ અને વિચાર આવે કે શું આ પ્રકારની સેક્સની કૉલમ વ્યક્તિ કે સમાજને નુકસાનકારક બની શકે. આ કારણે હું મારા બાળકોથી પણ આવી કૉલમ દૂર રાખું છું. શું કરવું જોઈએ?

બોરીવલીના રહેવાસી

બિલકુલ નહીં. આવો ડર મનમાંથી કાઢી નાખો અને એક વાત યાદ રાખો, જ્ઞાન નહીં પણ કોઈ પણ વિષયનું અજ્ઞાન નુકસાનકર્તા બની શકે, વાજબી રીતે મેળવેલું જ્ઞાન હંમેશાં લાભદાયી હોય પછી એ સેક્સનો વિષય કે પાકશાસ્ત્રનો હોય. બાળક માગે એ માહિતી તેને સાચેસાચી, સરળ અને પ્રેમાળ રીતે આપવી જોઈએ. માબાપનો ઉત્તર કોઈ વાર બાળકની સમજશક્તિની બહાર હોઈ શકે, પણ એમાં કશું નુકસાન નહીં થાય. પણ માબાપનો બાળકને જવાબ આપવાનો જે અભિગમ છે એનાથી ભવિષ્યમાં બાળક માટે વધુ ચર્ચા કરવાનો રસ્તો ખૂલશે.

એવો પણ એક વહેમ છે કે જાતીય શિક્ષણ આપવાથી વ્યક્તિની કામેચ્છા વધુ પ્રબળ બને છે. ખોટો વહેમ છે આ, ઊલટું યોગ્ય અને સાચું શિક્ષણ મેળવવાથી વ્યક્તિની જિજ્ઞાસા સંતોષાય છે. જાતીય શિક્ષણ સમાજને વધુ સમજદારી આપે છે. એટલું જ નહીં, સેક્સને સાચી દિશા આપવામાં પણ હેલ્પફુલ બને છે. તો જે સ્ત્રી-પુરુષોની કામેચ્છા વિકૃત સ્તર પર હોય એને પારખવામાં પણ હેલ્પફુલ બને છે. જો યોગ્ય જાતીય શિક્ષણ આપવામાં આવે તો અનિચ્છનીય ગર્ભાવસ્થા, ગુપ્તરોગો, બાળકોની અને સ્ત્રીઓની જાતીય છેડછાડના કિસ્સામાં ધરખમ ઘટાડો થઈ શકે. આ પ્રકારની કૉલમ અનિવાર્ય છે કારણ કે એ સેક્સ પ્રત્યેની સૂગને દૂર કરવાનું કામ બેસ્ટ રીતે કરતી હોય છે. સેક્સ માટે આજે પણ આપણે ત્યાં છોછ રાખવામાં આવે છે. મા દીકરીને અને બાપ દીકરાને એના વિશે એક શબ્દ પણ કહેવા રાજી નથી ત્યારે એ જવાબદારી આ પ્રકારની કૉલમ નિભાવે છે. સેક્સ એજ્યુકેશનથી દૂર રહેવું નહીં અને એનાથી કોઈને દૂર રાખવા પણ નહીં. હું તો કહીશ, તમારી મેઇડ જો અભણ હોય તો આ કૉલમ એને વાંચીને સંભળાવીને દેશ પર ઉપકાર કરજો.

08 June, 2021 03:27 PM IST | Mumbai | Dr. Mukul Choksi

અન્ય લેખો

સેક્સ એન્ડ રિલેશનશિપ

બૉયફ્રેન્ડ ચૅટિંગ દરમ્યાન વિયર્ડ અને બોલ્ડ મૅસેજ કરે છે

તેના બોલ્ડ મેસેજીસ માટે ચિંતા કરવા જેવું છે કે નહીં એ નક્કી કરતાં પહેલાં તેની અન્ય બિહેવિયરને પણ જોવી જોઈએ

11 June, 2021 02:41 IST | Mumbai | Sejal Patel
સેક્સ એન્ડ રિલેશનશિપ

મલમ કે સ્પ્રે પેનિસ પર કયા અને કેવી રીતે લગાડવો જોઈએ?

મારે જાણવું છે કે મલમ કે સ્પ્રે ઇન્દ્રિય પર કેવી રીતે લગાવવો? સંભોગની કેટલી મિનિટ પહેલાં લગાવવો? વારંવાર લગાવવાથી લાંબા સમયે એની સેક્સ લાઇફ પર સાઇડ-ઇફેક્ટ થાય? 

09 June, 2021 12:56 IST | Mumbai | Dr. Mukul Choksi
સેક્સ એન્ડ રિલેશનશિપ

માસ્ટરબેશનને લીધે પેનિસ જમણી બાજુએ વળેલી રહે છે

કોઈ વ્યક્તિલનું પેનિસ કાટખૂણે એટલે કે સ્ટ્રેઇટ નથી હોતું

07 June, 2021 11:16 IST | Mumbai | Dr. Mukul Choksi

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK