° °

આજનું ઇ-પેપર
Monday, 27 September, 2021


વીફરેલી કુદરત, મહેકતી માનવતા

14 September, 2021 08:43 AM IST | Rajkot | Rashmin Shah

રાજકોટમાં ૧૬ કલાકમાં પડેલા ૧૮ ઇંચ વરસાદમાં પણ માનવતાની મહેક વહેતી રહી, જાણે કુદરતને કહેતી હોય કે તારી પરીક્ષા સામે હારીશું નહીં

માજીને લોધિકાના પોલીસ-ઇન્સ્પેક્ટરે ઊંચકીને સલામત સ્થળે ખસેડ્યાં હતા

માજીને લોધિકાના પોલીસ-ઇન્સ્પેક્ટરે ઊંચકીને સલામત સ્થળે ખસેડ્યાં હતા

સૌરાષ્ટ્રભરમાં ગઈ કાલે સાંબેલાધર વરસાદ વરસ્યો હતો, જેમાં રાજકોટ અને જામનગર જિહલ્લો સૌથી વધારે ખરાબ રીતે હડફેટે ચડ્યો હતો. લો-પ્રેશર ડિપ્રેશનમાં ફેરવાતાં વીફરેલી કુદરત સામે માનવતાની મહેક પણ અકબંધ હતી અને એકબીજાને સાથ આપવાનું કામ બખૂબી રીતે સૌકોઈએ નિભાવ્યું હતું.

અણધારી આફત સામે તંત્ર જાગે એ પહેલાં જેની જવાબદારી નહોતી એવા લોકો પણ મદદે આવી ગયા હતા. રાજકોટ જિલ્લાના લોધિકા ગામે ગઈ કાલ સાંજ સુધીમાં ૧૬ ઇંચ વરસાદ પડતાં નીચાણવાળા વિસ્તારના લોકોને કાઢવાની પ્રક્રિાયા ચાલુ કરવામાં આવી હતી, પણ ૮૯ વર્ષનાં એક માજી પાણીના વહેણ અને એકધારા વરસાદ વચ્ચે ચાલી શકતાં ન હોવાથી તેમણે ઘરની બહાર નીકળવાની ના પાડતાં લોધિકા પોલીસ-સ્ટેશનના એક ઇન્સ્પેક્ટરે તેમને ઉપાડી લીધાં હતાં અને લગભગ દોઢ કિલોમીટર જેટલું અંતર તેડેલી અવસ્થામાં કાપીને માજીને સલામત સ્થળે ઉતાર્યાં હતાં, તો રાજકોટના જંગલેશ્વર વિસ્તારમાં પાણી ભરાવા માંડતાં કૉર્પોરેશનના અધિકારીએ સગી માના હાથમાં બાળક આપવાને બદલે માત્ર દોઢ મહિનાના બાળકને પોતાની જવાબદારીએ સાથે લીધું અને પાણી ભરેલા વિસ્તારમાંથી સલામત રીતે બહાર લાવીને તેની મમ્મીના હાથમાં મૂક્યું.

હાથમાં આવેલા બાળકે જ્યારે મમ્મી સામે જોઈને સ્માઇલ આપ્યું ત્યારે મમ્મીની આંખમાં ખુશીનાં જે આંસુ હતાં એ આંસુ કુદરતે પ્રકોપરૂપે વરસાવેલા પાણી પર મલમ જેવાં હતાં.

14 September, 2021 08:43 AM IST | Rajkot | Rashmin Shah

અન્ય લેખો

ગુજરાત સમાચાર

સુરતમાં એક જ અપાર્ટમેન્ટમાં કોરોનાના ૯ કેસ મળતા દોડધામ

અઠવા વિસ્તારમાં આવેલા આ બિલ્ડિંગને નિયં​ત્રિત ઝોન જાહેર કરવામાં આવ્યો છે

26 September, 2021 11:41 IST | Ahmedabad | Gujarati Mid-day Correspondent
ગુજરાત સમાચાર

ગુજરાતમાં આ વર્ષે નવરાત્રિનો ખરો માહોલ જામશે : શેરી ગરબાને સરકારે આપી મંજૂરી

સોસાયટી અને ફ્લૅટના ગરબા, દુર્ગાપૂજા, વિજયા દશમી ઉત્સવ અને શરદપૂર્ણિમા ઉત્સવ ૪૦૦ વ્યક્તિઓની મર્યાદામાં યોજવા ભૂપેન્દ્ર પટેલની સરકારે આપી છૂટ

25 September, 2021 10:30 IST | Ahmedabad | Shailesh Nayak
ગુજરાત સમાચાર

‘જીવી લીધું છે, હવે વધુ જીવવા નથી માગતો, છોકરાઓને હેરાન કરવા નહીં’

ભાષાપંડિત, અધ્યાપક, સાહિત્યકાર યોગેન્દ્ર વ્યાસે સુસાઇડ-નોટમાં બીમારીનું કારણ જણાવ્યું : કૅન્સરગ્રસ્ત પત્ની સાથે કરેલા આપઘાતથી સમગ્ર સાહિત્ય અને શિક્ષણ જગત શોકગ્રસ્ત

24 September, 2021 11:51 IST | Ahmedabad | Shailesh Nayak

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK