દાનની ભાવના સાથે કરો મતદાનઃ વડાપ્રધાન નરેન્દ્ર મોદીની અપીલ

Lok Sabha Elections 2024: મતદાન કર્યા પછી પીએમ મોદીએ કહ્યું કે, વિશ્વ લોકશાહીઓ માટે ભારતની ચૂંટણી પ્રક્રિયા એક ઉદાહણ છે

તસવીર સૌજન્ય : પીટીઆઇ

લોકસભા ચૂંટણી ૨૦૨૪ (Lok Sabha Elections 2024) દેશના ૧૧ રાજ્યો અને કેન્દ્રશાસિત પ્રદેશોની ૯૩ બેઠકો પર આજે ત્રીજા તબક્કાનું મતદાન થઈ રહ્યું છે. વડાપ્રધાન નરેન્દ્ર મોદી (Narendra Modi) એ પણ આજે અમદાવાદ (Ahmedabad) માં નિશાન વિદ્યાલય મતદાન મથક પર જઈને મતદાન કર્યું હતું. આ દરમિયાન ગૃહમંત્રી અમિત શાહ (Amit Shah) પણ મતદાન કેન્દ્ર પર હાજર હતા. ત્યારબાદ વડાપ્રધાન મોદીએ ત્રીજા તબક્કા હેઠળ મતદાનની બેઠકોના મતદારોને વધુમાં વધુ સંખ્યામાં મતદાન કરીને મતદાનનો નવો રેકોર્ડ બનાવવાની અપીલ કરી છે.

મતદાન કર્યા પછી વડાપ્રધાન નરેન્દ્ર મોદીએ કહ્યું કે, આજે આપણા દેશમાં `દાન`નું ખૂબ મહત્વ છે અને તે જ ભાવનાથી દેશવાસીઓએ શક્ય તેટલું વધુ મતદાન કરવું જોઈએ. પીએમ મોદીએ કહ્યું કે, હજુ ચાર રાઉન્ડ વોટિંગ બાકી છે. આ પહેલા કેન્દ્રીય ગૃહમંત્રી અમિત શાહે રાણીપમાં નિશાન સ્કૂલ પહોંચતા પીએમ મોદીનું સ્વાગત કર્યું હતું. પીએમ મોદીને જોવા માટે મોટી સંખ્યામાં લોકો હાજર રહ્યા હતા. આ પ્રસંગે પીએમ મોદીએ હાથ મિલાવીને લોકોનું અભિવાદન સ્વીકાર્યું હતું.

ADVERTISEMENT

વોટ આપ્યા બાદ પીએમ મોદીએ કહ્યું કે, લોકશાહીમાં મતદાન એ સાધારણ દાન નથી. આપણા દેશમાં દાનનું ખૂબ મહત્વ છે અને એ જ ભાવના સાથે દેશવાસીઓએ બને તેટલું મતદાન કરવું જોઈએ. આજે ત્રીજા તબક્કાનું મતદાન છે. ચૂંટણી ત્રણ અઠવાડિયા સુધી ચાલશે અને ચાર તબક્કા બાકી છે. હું અહીં મતદાર તરીકે નિયમિત મતદાન કરું છું. અમિતભાઈ અહીંથી ભાજપના ઉમેદવાર તરીકે ચૂંટણી લડી રહ્યા છે. અત્યારે મારે ઘણા રાજ્યોની મુલાકાત લેવાની છે. હું દેશના મતદારોનો આભાર વ્યક્ત કરું છું. જેઓ ઉત્સાહપૂર્વક ભાગ લે છે. હું ચૂંટણી પંચને અભિનંદન આપું છું કે દેશમાં પ્રથમ બે તબક્કામાં હિંસાની કોઈ ઘટના નોંધાઈ નથી. પંચે સમયની સાથે ચૂંટણી પ્રણાલીને આધુનિક બનાવી છે. મતદાન મૈત્રીપૂર્ણ કર્યું છે. વિશ્વના દેશોએ આમાંથી શીખવું જોઈએ. એટલું જ નહીં, પીએમ મોદીએ માત્ર ચૂંટણી ફરજમાં રોકાયેલા સુરક્ષા દળો અને મતદાન કર્મચારીઓનો આભાર વ્યક્ત કર્યો હતો.

નિશાન સ્કૂલની બહાર પીએમ મોદીના મોટા ભાઈ સોમાભાઈ પટેલ પણ હાજર હતા. તેમણે પીએમ મોદીનું સ્વાગત કર્યું હતું. પીએમ મોદી પછી તેમના મોટા ભાઈ સોમાભાઈ મોદીએ મતદાન કર્યું હતું. વડાપ્રધાન નરેન્દ્ર મોદી ગઈ કાલે એટલે કે છ મેની રાત્રે મતદાન કરવા ગુજરાત પહોંચ્યા હતા. રાજભવન ખાતે રાત્રિના આરામ બાદ વડાપ્રધાન મોદીએ સવારે અમદાવાદના રાણીપમાં નિશાન સ્કૂલમાં મતદાન કર્યું હતું.

આજે મતદાન કરતા પહેલા વડાપ્રધાન નરેન્દ્ર મોદીએ સોશિયલ મીડિયા પ્લેટફોર્મ X પર લોકોને મોટી સંખ્યામાં વોટ કરવાની અપીલ કરી હતી.

તમને જણાવી દઈએ કે, વડાપ્રધાન નરેન્દ્ર મોદીના મોટા ભાઈ સોમાભાઈ મોદી રાણીપમાં રહે છે. પીએમ મોદી અહીં મતદાતા તરીકે નોંધાયેલા છે. પીએમ મોદી રાણીપ નિશાન સ્કૂલ પહોંચ્યા અને મતદાન કરવા લાઈનમાં ઉભા રહ્યા. આ દરમિયાન પીએમ મોદીએ ત્યાં હાજર લોકોનું અભિવાદન પણ સ્વીકાર્યું. પીએમ મોદીએ ૨૦૧૪ અને ૨૦૧૯ની લોકસભા ચૂંટણીમાં આ શાળામાં મતદાન કર્યું હતું. રાણીપ વિસ્તાર ગાંધીનગર લોકસભા મતવિસ્તારનો ભાગ છે. કેન્દ્રીય ગૃહમંત્રી અમિત શાહ ગાંધીનગર લોકસભા બેઠકના ઉમેદવાર છે.