° °

આજનું ઇ-પેપર
Sunday, 01 August, 2021


સુરતનું સણિયા હેમાદ ગામ બેટમાં ફેરવાયું

20 July, 2021 03:34 PM IST | Ahmedabad | Shailesh Nayak

વરસાદના કારણે સણિયા હેમાદ ગામ પાસેથી પસાર થતી ખાડીમાં પાણી આવ્યું હતું. આ દરમ્યાન મુસાફરો ભરેલી એક લકઝરી બસ આ પાણીમાં બંધ થઈ જતાં મુસાફરોના જીવ અધ્ધર થઈ ગયા હતા

સણિયા હેમાદ ગામમાં લકઝરી બસને દોરડું બાંધીને ટ્રેકટરની મદદથી પાણીની બહાર કાઢવામાં આવી હતી.

સણિયા હેમાદ ગામમાં લકઝરી બસને દોરડું બાંધીને ટ્રેકટરની મદદથી પાણીની બહાર કાઢવામાં આવી હતી.

ઉપરવાસમાંથી વરસાદી પાણી આવતાં અને સુરત જિલ્લામાં પડેલા ભારે વરસાદના કારણે સુરતના સીમાડે આવેલું સણિયા હેમાદ ગામ ગઈ કાલે બેટમાં ફેરવાયું હતું. એટલું જ નહીં પરંતુ સુરત પાસેના કુંભારિયા અને ચલથાણ ગામમાં પણ ખાડીનાં પાણી ફરી વળતાં જનજીવન પ્રભાવિત થયું હતું.

ઉપરવાસમાંથી પાણી આવતાં તેમ જ વરસાદના કારણે સણિયા હેમાદ ગામ પાસેથી પસાર થતી ખાડીમાં પાણી આવ્યું હતું. આ દરમ્યાન મુસાફરો ભરેલી એક લકઝરી બસ આ પાણીમાં બંધ થઈ જતાં મુસાફરોના જીવ અધ્ધર થઈ ગયા હતા.

દક્ષિણ ગુજરાતમાં બીજા દિવસે પણ મેઘરાજા કોપાયમાન : નદીઓમાં પૂર

દક્ષિણ ગુજરાતમાં સતત બીજા દિવસે પણ અષાઢી માહોલ સાથે વરસાદ વરસ્યો હતો. કપરાડામાં બે કલાકમાં સવાબે ઇંચ વરસાદ પડ્યો હતો. એટલું જ નહીં, ઉપરવાસમાં પડેલા ભારે વરસાદના પગલે દક્ષિણ ગુજરાતની દમણગંગા, ઔરંગા તેમ જ કોલકી નદીમાં પાણીનો ધસમસતો પ્રવાહ વહેતાં નદીઓ બે કાંઠે વહેતી થઈ હતી. ગઈ કાલે દક્ષિણ ગુજરાત તેમ જ ઉપરવાસમાં પડેલા વરસાદના કારણે નવસારી જિલ્લાના વઘઈ પાસે આવેલો લો લેવલનો ગરગાડિયા પુલ પાણીમાં ગરકાવ થઈ ગયો હતો. આશરે ૧૦ ગામોનો સંપર્ક કપાયો હતો. ગઈ કાલે સાંજે ૬ વાગ્યા સુધીમાં ગુજરાતના ૮૪ તાલુકાઓમાં વરસાદ પડ્યો હતો, જેમાં વલસાડ જિલ્લાના કપરાડામાં સાડાચાર ઇંચથી વધુ વરસાદ પડ્યો હતો. 

20 July, 2021 03:34 PM IST | Ahmedabad | Shailesh Nayak

અન્ય લેખો

ગુજરાત સમાચાર

વિશ્વ પ્રસિદ્ધ તરણેતરના મેળા અંગે ગુજરાત સરકારે લીધો આવો નિર્ણય

ગુજરાતનો વિશ્વ પ્રસિદ્ધ લોકમેળો `તરણેતરનો મેળો` રદ કરવામાં આવ્યો છે. સુરેન્દ્રનગર જિલ્લાનો વિશ્વ પ્રસિદ્ધ લોકમેળો સતત બીજા વર્ષે કોરોનાને લીધે બંધ રહેશે.

31 July, 2021 04:31 IST | mumbai | Gujarati Mid-day Online Correspondent
ગુજરાત સમાચાર

લગ્નોમાં ૧૫૦ ને રાજકીય, સામાજિક ધાર્મિક કાર્યક્રમોમાં ૪૦૦ લોકોને છૂટ

ગુજરાત સરકારના જાહેરનામાથી ઊઠયા સવાલો : શું લગ્ન પ્રસંગ એ સામાજીક સમારંભ નથી?

31 July, 2021 01:53 IST | Ahmedabad | Gujarati Mid-day Correspondent
ગુજરાત સમાચાર

ક્ચ્છના ધોળાવીરાને યુનેસ્કો વર્લ્ડ હેરિટેજ સાઇટ્સમાં મળ્યું સ્થાન

ગુજરાતના ગૌરવવંતા ઇતિહાસની યશકલગીમાં વધુ એક પીંછું ઉમેરાયું

28 July, 2021 12:09 IST | Ahmedabad | Shailesh Nayak

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK