° °

આજનું ઇ-પેપર
Wednesday, 06 July, 2022


શ્વેત હુમલાખોરનો અશ્વેતો પર ગોળીબાર, ૧૦નાં મૃત્યુ

16 May, 2022 08:21 AM IST | New York
Gujarati Mid-day Correspondent | feedbackgmd@mid-day.com

હુમલાખોરે અમેરિકાની એક સિટીની સુપરમાર્કેટમાં આ હુમલાનું ઑનલાઇન લાઇવ સ્ટ્રીમિંગ પણ કર્યું

પ્રતીકાત્મક તસવીર

પ્રતીકાત્મક તસવીર

ન્યુ યૉર્ક સ્ટેટના અશ્વેતોના એક વિસ્તારમાં ૧૮ વર્ષના એક શ્વેત વ્યક્તિએ ૧૦ લોકોની ગોળી મારીને હત્યા કરી હતી. ઑથોરિટીઝ એને વંશવાદ પ્રેરિત હુમલો ગણાવી રહી છે.

આ ઘટના બફેલો સિટીના એક સુપરમાર્કેટમાં બની હતી કે જ્યાંથી પેટન ગેનડ્રોન નામના આ હુમલાખોરની ધરપકડ કરવામાં આવી છે.

આ આરોપી શનિવારે બપોરે આ સુપરમાર્કેટમાં પ્રવેશ્યો હતો. તેણે આ હુમલાનું ઑનલાઇન લાઇવ સ્ટ્રીમિંગ કર્યું હતું.

અમેરિકન પ્રેસિડન્ટ જો બાઇડને આ હુમલાને ઘૃણાસ્પદ કૃત્ય ગણાવીને એની ટીકા કરી હતી. એફબીઆઇની બફેલો ઑફિસના અધિકારી સ્ટીફન બેલોનગિયાએ કહ્યું હતું કે ‘અમે આ ઘટનાની વંશવાદ પ્રેરિત ઉગ્રવાદી હિંસા અને ધિક્કારપૂર્ણ અપરાધ તરીકે તપાસ કરી રહ્યા છીએ.’

આ હુમલાખોરે ગોળીબાર દરમ્યાન વંશીય અપશબ્દો બોલ્યા હતા. તેના હથિયાર પર પણ વંશીય લખાણ હતું.

બફેલોના પોલીસ કમિશનર જોસેફ ગ્રમગ્લિયાએ કહ્યું હતું કે ‘આ આરોપી લગભગ ૨૦૦ માઇલ ડ્રાઇવિંગ કરીને આ શહેરના અશ્વેતોની બહુમતીવાળા વિસ્તારમાં પહોંચ્યો હોવાનું જણાય છે. કુલ ૧૩ જણને ગોળી મારવામાં આવી હતી, જેમાંથી મોટા ભાગના પીડિતો અશ્વેત છે.’

તેમણે વધુ જણાવ્યું હતું કે આરોપીએ ખૂબ જ તનાવભરી ક્ષણો બાદ તેનું હથિયાર સોંપી દીધું હતું અને તેને કસ્ટડીમાં લેવાયો હતો.

પોલીસે જણાવ્યું હતું કે સિક્યૉરિટી ગાર્ડ તરીકે કામ કરનારા એક નિવૃત્ત પોલીસ ઑફિસરે આ આરોપીને ગોળી મારવાની કોશિશ કરી હતી, પરંતુ તે પણ માર્યો ગયો હતો.

સ્ટ્રીટની સામે બાજુથી આ હુમલાના સાક્ષી બનનારા ગ્રેડી લેવિસે લોકલ મીડિયાને જણાવ્યું હતું કે ‘મેં એક વ્યક્તિને આર્મી સ્ટાઇલમાં વળીને લોકોને અંધાધૂંધ ગોળી મારતા જોયો હતો.’

આ હુમલા દરમ્યાન એક દુકાનમાં કામ કરતા સોનનેલ હેરિસે કહ્યું હતું કે ‘આ સુપરમાર્કેટ વીક-એન્ડના કારણે લોકોથી ખીચોખીચ હતી. એ એક દુ:સ્વપ્ન જેવું હતું.’ અમેરિકામાં આવા વંશવાદ અને ધિક્કારથી પ્રેરિત હુમલાઓનું પ્રમાણ વધ્યું છે.

16 May, 2022 08:21 AM IST | New York | Gujarati Mid-day Correspondent

અન્ય લેખો

ઈન્ટરનેશનલ સમાચાર

ડેન્માર્કમાં થયેલો હુમલો આતંકવાદી ઘટના ન હોવાની પોલીસની સ્પષ્ટતા

રવિવારે કોપનહેગનના મૉલમાં કરેલા ગોળીબારમાં ત્રણનાં મોત, ૨૨ વર્ષના યુવકની પોલીસે કરી ધરપકડ

05 July, 2022 08:45 IST | Copenhagen | Gujarati Mid-day Correspondent
ઈન્ટરનેશનલ સમાચાર

કોપનહેગનના શૉપિંગ મૉલમાં અંધાધુંઘ ગોળીબાર, 7ના મોત

એક 22 વર્ષના આરોપી એક ડૈનિશ યુવકની ધરપકડ કરી છે. જો કે, પોલીસે આ ઘટનાને આતંકવાદી ઘટના સાથે જોડીને પણ તપાસ કરી રહી છે. પોલીસે શૉપિંગ મૉલ સહિત આખા કોપેનહેગનમાં સિક્યોરિટી વધારી દીધી છે.

04 July, 2022 02:34 IST | Mumbai | Gujarati Mid-day Online Correspondent
ઈન્ટરનેશનલ સમાચાર

Peter Brook:મહાભારત દ્વારા યુદ્ધની પીડા જીવંત કરનાર `પદ્મશ્રી` બ્રુકનું નિધન

બ્રુક માટે `વિશ્વ એક રંગમંચ` માત્ર જુમલા નહોતો, પણ તે સ્કૂલ, હૉસ્પિટલ, ફેક્ટ્રી, ખાણ કે જિમ જેવી કોઈપણ જગ્યાને રંગમંચ બનાવી દેતા હતા.

04 July, 2022 01:11 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK