કૅનેડામાં ગુજરાતી વિદ્યાર્થિનીની હત્યા, લૂંટનો વિરોધ કરતાં છરાથી હુમલો

ગુજરાતના આણંદ જિલ્લાની 22 વર્ષીય ભારતીય વિદ્યાર્થી વિધિ કલ્પેશકુમાર મેઘાની કેનેડામાં લૂંટના ઇરાદે છરીના ઘા મારીને હત્યા કરવામાં આવી હતી. પોલીસે આરોપીની ધરપકડ કરી છે.

પ્રતીકાત્મક તસવીર

ગુજરાતના આણંદ જિલ્લાની 22 વર્ષીય ભારતીય વિદ્યાર્થી વિધિ કલ્પેશકુમાર મેઘાની કેનેડામાં લૂંટના ઇરાદે છરીના ઘા મારીને હત્યા કરવામાં આવી હતી. પોલીસે આરોપીની ધરપકડ કરી છે. કામ અને અભ્યાસ માટે વિદેશ જતા ભારતીયો પર હુમલા અને હત્યાના બનાવો વધુને વધુ સામાન્ય બની રહ્યા છે. લૂંટના ઇરાદે કેનેડામાં વધુ એક ભારતીય મહિલાની હત્યા કરવામાં આવી છે. અહેવાલો અનુસાર, ગુજરાતના આણંદ જિલ્લાના બોરસદની રહેવાસી વિધિ કલ્પેશકુમાર મેઘા ચાર વર્ષ પહેલાં નાયગ્રા યુનિવર્સિટીમાં અભ્યાસ કરવા માટે કેનેડા ગઈ હતી.

બોરસદની છોકરીની હત્યા

ADVERTISEMENT

કૅનેડામાં આવેલી નાયગ્રા યુનિવર્સિટીમાં અભ્યાસ કરતી વખતે, તે વર્ક પરમિટની તૈયારી પણ કરી રહી હતી. 15 મેના રોજ, 22 વર્ષીય વિધિ તેના ઘરેથી નીકળી રહી હતી ત્યારે એક વ્યક્તિએ લૂંટના ઇરાદે તેના પર તીક્ષ્ણ છરીથી હુમલો કર્યો, જેનાથી તે લોહીલુહાણ થઈ ગઈ. આ ઘટના જાહેર સ્થળે બની હોવાથી લોકો ચોંકી ગયા હતા.

આરોપીની ધરપકડ

સ્થાનિક લોકો તાત્કાલિક છોકરીને હોસ્પિટલ લઈ ગયા, જ્યાં ફરજ પરના ડોક્ટરે તેને મૃત (Dead) જાહેર કરી. ઘટનાની જાણ થતાં કેનેડિયન પોલીસે (Canada Police) આરોપીની ધરપકડ (Arrested) કરી. વિદેશમાં રહેતા ભારતીયો પર હુમલા દિવસેને દિવસે વધી રહ્યા છે.

કૅનેડાના ભારતીયો સંબંધિત અન્ય સમાચાર

ઉલ્લેખનીય છે કે, કૉમેડિયન કપિલ શર્માની કૅનેડામાં આવેલી રેસ્ટોરાં ‘કૅપ્સ કૅફે’ની નજીક ફાયરિંગ થયું છે. આ ફાયરિંગ તેની કૅફેની બાજુમાં આવેલી એક અન્ય રેસ્ટોરાં ‘ચા સુટ્ટા બાર કૅફે’ પર થયું હતું. આ પછી બિશ્નોઈ ગૅન્ગના (Lawrence Bishnoi Gang) એક સભ્ય દ્વારા સોશ્યલ મીડિયા (Social Media) મારફત કપિલ શર્માને ધમકી પણ આપવામાં આવી છે. આ ફાયરિંગની ઘટના બાદ બિશ્નોઈ ગૅન્ગના એક સભ્યએ સોશ્યલ મીડિયા પોસ્ટમાં લખ્યું હતું કે કૅપ્સ કૅફેની બાજુમાં આવેલી ચા સુટ્ટા બાર કૅફે પર ગોળી ચાલી છે. અમારો સંદેશો છે કે લાઇન પર આવી જાઓ.’ આ પોસ્ટમાં કપિલ શર્માને ચેતવણી આપતાં લખવામાં આવ્યું છે કે ચા સુટ્ટા બારની જગ્યાએ હવે તારી કૅપ્સ કૅફે અને મુંબઈનું ઘર હશે. આ વખતે અમે કોઈની ભલામણ પર નહીં અટકીએ.’

કૅનેડામાં આવેલી કપિલ શર્માની કૅફે પર અત્યાર સુધીમાં ૩ વખત ફાયરિંગ થઈ ચૂક્યું છે. સૌથી પહેલી ઘટનાની જવાબદારી લૉરેન્સ બિશ્નોઈ ગૅન્ગે લીધી હતી. આ ગૅન્ગ બૉલીવુડ સેલિબ્રિટીઓને ધમકી આપવા માટે જાણીતી છે. ત્રીજી વખત પણ આ જ ગૅન્ગના સભ્યોએ ફાયરિંગ કર્યું હતું. કપિલે ૨૦૨૫માં કૅનેડામાં પોતાની રેસ્ટોરાં ‘કૅપ્સ કૅફે’ શરૂ કરી હતી. જોકે આ રેસ્ટોરાં પર ૨૦૨૫ના જુલાઈ‍, ઑગસ્ટ અને ઑક્ટોબરમાં ત્રણ વખત ફાયરિંગ થયું હું. સદ્નસીબે આ ઘટનાઓમાં કોઈને ઈજા નહોતી થઈ.