અમેરિકાના ઇલિનૉઇ રાજ્યમાં આવેલા હિન્દુ મંદિર પર મોટા હુમલાનું કાવતરું નિષ્ફળ રહ્યું એ પછી ભારતે અમેરિકી સરકાર સમક્ષ ભારતીય નાગરિકોની સલામતી અને સુરક્ષા સુનિશ્ચિત કરવાની માગણી કરી છે.
હિન્દુ મંદિરમાં કત્લેઆમ કરવાનું કાવતરું ઘડનારો ટીનેજર
અમેરિકાના ઇલિનૉઇ રાજ્યમાં આવેલા હિન્દુ મંદિર પર મોટા હુમલાનું કાવતરું નિષ્ફળ રહ્યું એ પછી ભારતે અમેરિકી સરકાર સમક્ષ ભારતીય નાગરિકોની સલામતી અને સુરક્ષા સુનિશ્ચિત કરવાની માગણી કરી છે. વિદેશમંત્રાલયના પ્રવક્તા રણધીર જાયસવાલે શુક્રવારે જણાવ્યું હતું કે આ સમગ્ર ઘટના આપણા માટે અત્યંત ચિંતાનો વિષય છે અને અમેરિકાએ ભારતીય સમુદાયની રક્ષા માટે તાત્કાલિક કડક પગલાં લેવા જોઈએ.
શિકાગોના પૅલેટિન વિસ્તારમાંથી ૧૧ ઑક્ટોબરે પોલીસે ૧૯ વર્ષના ઍલેક્ઝાન્ડ્રોસ પાપોરાકિસ નામના ટીનેજરની ધરપકડ કરી હતી. આરોપીએ શિકાગો પાસે આવેલા ઑરોરા સ્થિત શ્રી વેન્કટેશ્વર સ્વામી મંદિરને નિશાન બનાવવાનું કાવતરું ઘડ્યું હતું.
