BMC દરેક સાઇનબોર્ડ પર QR કોડ લગાવશે : રસ્તાના કે વિસ્તારના નામ પાછળનો ઇતિહાસ ઍનિમેશન અને વિડિયો દ્વારા જાણી શકાશે
પ્રતીકાત્મક તસવીર
મુંબઈના રસ્તાઓ અને જાહેર સ્થળોનાં નામ પાછળનો ઇતિહાસ સામાન્ય જનતા સુધી પહોંચાડવા માટે BMC ‘ડિજિટલ મ્યુઝિયમ’ પ્રોજેક્ટ શરૂ કરવાનું છે. શહેરના તમામ રોડનાં સાઇનબોર્ડ પર ક્વિક રિસ્પૉન્સ (QR) કોડ લગાવવામાં આવશે. QR કોડ સ્કૅન કરતાં જ લોકો આર્ટિફિશ્યલ ઇન્ટેલિજન્સ (AI) ઑપરેટેડ પેજ પર પહોંચશે જ્યાં તેમને ઍનિમેશન અને વિડિયો દ્વારા જે-તે વ્યક્તિ કે વિસ્તારની માહિતી મળશે.
મુંબઈના આશરે ૧૯,૦૦૦ જેટલા રસ્તાઓ વિવિધ મહાનુભાવોના નામે છે એને આ યોજનામાં આવરી લેવામાં આવશે. એમાં કવિઓ, સમાજસેવકો અને સ્વતંત્રતાસેનાનીઓ વિશે લોકોને માહિતગાર કરવામાં આવશે અને સાથે જ કૉટનગ્રીન કે બ્રેડ લેન જેવા વિસ્તારોનાં નામ પાછળનાં રસપ્રદ કારણો પણ જાણી શકાશે.
ADVERTISEMENT
BMC આ પ્રોજેક્ટ માટે શહેરના જાણીતા ઇતિહાસકારોની મદદ લઈને એક સચોટ ડિજિટલ ડેટા-બેઝ તૈયાર કરશે જેથી મુંબઈની વિરાસતને જીવંત રાખી શકાય.
