° °

આજનું ઇ-પેપર
Sunday, 16 January, 2022


હંસા હેરિટેજ સોસાયટીના હોદ્દેદારોએ પણ કરી આગોતરા જામીનની અરજી

28 November, 2021 03:12 PM IST | Mumbai | Gujarati Mid-day Correspondent

કાંદિવલી પોલીસ સ્ટેશનના સિનિયર પોલીસ ઇન્સ્પેક્ટર બાબાસાહેબ સાળુંખેએ કહ્યું છે કે કોર્ટ હવે બિલ્ડર અને સોસાયટીના હોદ્દેદારોની આગોતરા જામીનની અરજી પર સોમવારે સુનાવણી કરવાની છે.

હંસા હેરિટેજ સોસાયટીના હોદ્દેદારોએ પણ કરી આગોતરા જામીનની અરજી

હંસા હેરિટેજ સોસાયટીના હોદ્દેદારોએ પણ કરી આગોતરા જામીનની અરજી

કાંદિવલી-વેસ્ટના મથુરાદાસ રોડ પર આવેલી હંસા હેરિટેજ બિલ્ડિંગમાં લાગેલી આગમાં ૮૯ વર્ષનાં રંજન પારેખ અને ૬૪ વર્ષનાં તેમનાં પુત્રવધૂ નીતા પારેખનાં મોત થયાં હતાં. એ કેસમાં ફાયર બ્રિગેડે આપેલા રિપોર્ટમાં કહેવાયું હતું કે આગ વખતે ઇમારતની જે ફાયર ફાઇટિંગ સિસ્ટમ ચાલુ રહેવી જોઈએ એ રહી નહોતી. સ્પ્રિન્કલર્સ પણ ચાલ્યાં નહોતાં અને ઇલેક્ટ્રિસિટી બંધ કરી દેવાથી પમ્પમાંથી પાણી મળી શક્યું નહોતું. આગ લાગી ત્યારે વાપરવામાં આવતી જનરેટરની ઑલ્ટરનેટ સિસ્ટમનો અભાવ હતો. એથી કાંદિવલી પોલીસ સ્ટેશનમાં એ ઇમારતના બિલ્ડર શ્રી રઘુવંશી ડેવલપર્સના હોદ્દેદારો ત્રિભુવનદાસ રુઘાણી, રશ્મિન રુઘાણી અને પિનાકિન રુઘાણ‌ી અને આર્કિટેક્ટ સંજય શાહ સામે ફરિયાદ નોંધાઈ હતી. એ સાથે જ સોસાયટીએ કેમ આ બાબતે ધ્યાન ન આપ્યું અને બેદરકારી દાખવી એમ કહી એની જૂની કમિટીના ચૅરમૅન અને સેક્રેટરી સામે પણ ગુનો નોંધવામાં આવ્યો હતો. એથી બિલ્ડરે દિંડોશી સેશન્સ કોર્ટમાં આગોતરા જામીનની અરજી કરી છે. જોકે હવે સોસાયટીના હોદ્દેદારોએ પણ આગોતરા જામીનની અરજી કરી છે. કાંદિવલી પોલીસ સ્ટેશનના સિનિયર પોલીસ ઇન્સ્પેક્ટર બાબાસાહેબ સાળુંખેએ કહ્યું છે કે કોર્ટ હવે બિલ્ડર અને સોસાયટીના હોદ્દેદારોની આગોતરા જામીનની અરજી પર સોમવારે સુનાવણી કરવાની છે.  

28 November, 2021 03:12 PM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

જોગેશ્વરી વિક્રોલી લિંક રોડ પર ઓટોરિક્ષા પર પલટી ટ્રક, એક ઘાયલ

મુંબઈમાં શનિવારે સાંજે જોગેશ્વરી વિક્રોલી લિંક રોડ પાસે એક ઓટોરિક્ષા પર રેતી ભરેલી ટ્રક પલટી જતાં એક વ્યક્તિને ઈજા થઈ હતી.

16 January, 2022 01:55 IST | Mumbai | Gujarati Mid-day Online Correspondent
મુંબઈ સમાચાર

દહિસરમાં પાળેલાં પ્રાણીઓ માટે ઇલેક્ટ્રિક સ્મશાનગૃહ

મુંબઈ શહેરમાં આ પ્રકારનું આ પ્રથમ સ્મશાનગૃહ છે

16 January, 2022 12:35 IST | Mumbai | Gujarati Mid-day Correspondent
મુંબઈ સમાચાર

ઓમાઇક્રોનના વધતા જતા સંક્રમણ વચ્ચે ડેલ્ટા વાઇરસ હજીયે પ્રભાવશાળી વેરિઅન્ટ

આરોગ્ય ખાતાના ઍડિશનલ ચીફ સેક્રેટરી ડૉક્ટર પ્રદીપ વ્યાસે તેમના સહકર્મચારીઓને લખેલા પત્રમાં કહ્યું હતું કે કુલ ૪૨૦૦ સૅમ્પલ્સનું વિશ્લેષણ કરાયું હતું

16 January, 2022 12:31 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK