° °

આજનું ઇ-પેપર
Friday, 12 August, 2022


મારા પર બે દિવસથી નજર રખાઈ રહી છે

28 November, 2021 12:45 PM IST | Mumbai
Gujarati Mid-day Correspondent | feedbackgmd@mid-day.com

અનિલ દેશમુખની જેમ પોતાની સામે પણ કાવતરું ઘડાઈ રહ્યું હોવાની શંકા વ્યક્ત કરીને એનસીપીના નેતા નવાબ મલિકે વ્યંગ કર્યો કે નરેન્દ્ર મોદી તો છે અમારા ગુરુ

મારા પર બે દિવસથી નજર રખાઈ રહી છે

મારા પર બે દિવસથી નજર રખાઈ રહી છે

કેન્દ્ર સરકાર અને કેન્દ્રીય તપાસ એજન્સી નાર્કોટિક્સ કન્ટ્રોલ બ્યુરો (એનસીબી) પર સતત હુમલા કરી રહેલા એનસીપીના નેતા અને મહાવિકાસ આઘાડીના કૅબિનેટ પ્રધાન નવાબ મલિકે અચાનક યુ-ટર્ન લીધો છે. શુક્રવારે એનસીપીના ચીફ શરદ પવારે દિલ્હીની મુલાકાત લીધા બાદ ગઈ કાલે નવાબ મલિકે વડા પ્રધાન નરેન્દ્ર મોદી અમારા ગુરુ હોવાનું વ્યંગાત્મક ભાષામાં કહ્યું હતું. પોતાના પર બે દિવસથી નજર રખાઈ હોવાથી અનિલ દેશમુખની જેમ પોતાની સામે કાવતરું ઘડાઈ રહ્યું હોવાની શંકા પણ તેમણે વ્યક્ત કરી હતી.
પત્રકારો સાથેની વાતચીતમાં ગઈ કાલે નવાબ મલિકે કહ્યું હતું કે ‘સોશ્યલ મીડિયાનો કેવી રીતે અસરકારક ઉપયોગ કરી શકાય એ વડા પ્રધાન નરેન્દ્ર મોદીએ અમને શીખવ્યું છે. હવે આ જ સોશ્યલ મીડિયાનો ઉપયોગ વિરોધ પક્ષના કાર્યકરો કરી રહ્યા છે. બીજેપીએ સોશ્યલ મીડિયા પર એકાધિકાર મેળવ્યો હતો, જેને પડકારાઈ રહ્યો છે. તેમણે ૨૦૧૪માં સોશ્યલ મીડિયાના આધારે કેન્દ્રમાં સરકાર બનાવી હતી. હવે એ જ સોશ્યલ મીડિયાનો ઉપયોગ વિરોધ પક્ષો કરી રહ્યા છે.’
એનસીબીના મુંબઈ ઝોનના ડિરેક્ટર સમીર વાનખેડે અને તેમના પરિવાર પાછળ હાથ ધોઈને પડી ગયેલા નવાબ મલિકે વધુમાં કહ્યું હતું કે ‘મારી વિરુદ્ધ અનેક કાવતરાં ઘડવાનો પ્રયાસ થઈ રહ્યો છે. અનિલ દેશમુખની જેમ મારા પર નજર રાખવામાં આવી રહી છે. અનિલ દેશમુખ સાથે જે રમત રમાઈ હતી એ હવે મારી સાથે રમવાના પ્રયાસ કરાઈ રહ્યા છે. 
કેટલાક અધિકારી લોકોને મારી સામે મુસદ્દો તૈયાર કરીને ઈ-મેઇલ કરી રહ્યા છે અને તેમને મારી વિરુદ્ધ ફરિયાદ કરવાનું કહી રહ્યા છે. આથી આવા અધિકારી અને લોકોની સામે હું પોલીસ કમિશનર અને કેન્દ્રીય ગૃહપ્રધાન અમિત શાહને ફરિયાદ કરીશ અને મારી સામે કરાઈ રહેલી ફરિયાદની તપાસ કરાવીશ.’

28 November, 2021 12:45 PM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

BJP સાથે આવવા માટે તૈયાર હતા ઉદ્ધવ, PM સાથે કરી હતી વાત- શિંદે જૂથના નેતાનો દાવો

દીપક પ્રમાણે આ મામલે ઉદ્ધવ ઠાકરેની પીએમ મોદી સાથે પણ વાતચીત ચાલી હતી. દીપક કેસરકરે શુક્રવારે મુંબઈમાં પ્રેસ કૉન્ફ્રેન્સમાં કહ્યું કે નારાયણ રાણેના કેન્દ્રીય મંત્રીમંડળમાં ગયા પછી આ મામલો અટક્યો.

05 August, 2022 09:19 IST | Mumbai | Gujarati Mid-day Online Correspondent
મુંબઈ સમાચાર

અમે સામાન્ય લોકોની સ્થિતિમાં સુધારો કરવાના ઉદ્દેશથી સત્તામાં આવ્યા છીએ

કેન્દ્ર સાથે મળીને રાજ્યના સર્વાંગી વિકાસના આશીર્વાદ લેવા દિલ્હી આવ્યા એકનાથ શિંદે : અમિત શાહ, રાજનાથ સિંહ, જે. પી. નડ્ડા, રામનાથ કોવિંદ અને વડા પ્રધાન નરેન્દ્ર મોદીને મળીને ખભેખભા મિલાવીને કામ કરવાનો વિશ્વાસ વ્યક્ત કર્યો

10 July, 2022 10:23 IST | Mumbai | Gujarati Mid-day Correspondent
મુંબઈ સમાચાર

Maharashtra Politics:શિંદે અને ફડણવીસે વડાપ્રધાન મોદી સાથે દિલ્હીમાં કરી મુલાકાત

મહારાષ્ટ્રના મુખ્યમંત્રી એકનાથ શિંદે અને ડેપ્યુટી સીએમ દેવેન્દ્ર ફડણવીસ દિલ્હીમાં છે. તેઓ શુક્રવારે રાત્રે દિલ્હી પહોંચ્યા હતા.

09 July, 2022 06:33 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK