° °

આજનું ઇ-પેપર
Thursday, 02 December, 2021


તૈયાર થઈ જાવ ટ્રેનમાં પ્રવાસ કર્યા વિના ટ્રેનમાં જમવા માટે

18 October, 2021 11:06 AM IST | Mumbai | Rajendra B Aklekar

સીએસએમટી પર આ મહિનાના અંત સુધીમાં શરૂ થઈ રહી છે ‘મીલ્સ ઑન વ્હીલ્સ’ રેસ્ટોરાં

‘મીલ્સ ઑન વ્હીલ્સ’ રેસ્ટોરાં

‘મીલ્સ ઑન વ્હીલ્સ’ રેસ્ટોરાં

‘મીલ્સ ઑન વ્હીલ્સ’ રેલવે કોચનું આખરે સીએસએમટી પર આગમન થયું છે અને હવે જાહેર જનતા માટે એને ભવ્ય અને સુંદર રેસ્ટોરાંનાં રૂપરંગ અપાઈ રહ્યાં છે. ટ્રેનમાં ન જવાનું હોય એવા લોકો પણ ત્યાં ભોજન કરી શકે છે. રેસ્ટોરાં-કોચ ચાલુ મહિનાના અંત સુધીમાં જનતા માટે ખુલ્લો મુકાય એવી શક્યતા છે.

સેન્ટ્રલ રેલવેના ચીફ પબ્લિક રિલેશન્સ ઑફિસર શિવાજી સુતારે જણાવ્યું હતું કે ‘કોચને રેસ્ટોરાંમાં ફેરવાશે અને પ્લૅટફૉર્મ નંબર-૧૮ નજીકની રેલ હેરિટેજ ગલી પાસેના બાગમાં મૂકવામાં આવશે. આ જગ્યા ટિકિટ એરિયાની બહાર આવેલી હોવાથી ટ્રેનમાં ન જવાનું હોય એવી વ્યક્તિ પણ એનો લાભ લઈ શકે છે. ટૂંક સમયમાં આ રેસ્ટોરાં ખુલ્લી મુકાશે.’

અધિકારીઓએ જણાવ્યું હતું કે ‘રેસ્ટોરાંનાં બે સેક્શન્સ હશે – એક બેવરેજિસનો અને બીજો અવનવી વાનગીઓનો. એમાં એકસાથે ૪૦ વ્યક્તિઓ બેસી શકશે. મુખ્ય વાત એ છે કે રેલવેની થીમ ધરાવતી આ ડાઇનિંગ રેસ્ટોરાંમાં પાર્કિંગની અઢળક જગ્યા હશે, એટીએમ હશે અને ત્યાંથી સહેલાઈથી ઈસ્ટર્ન ફ્રીવે પહોંચી શકાશે. છત્રપતિ શિવાજી મહારાજ ટર્મિનસની ઓપન ઍર હેરિટેજ ગલી રાતે રોશનીથી ઝગમગતી હોય છે અને ત્યાં દેશની પ્રથમ રેલવેની મૂલ્યવાન ચીજવસ્તુઓ સંગ્રહાયેલી છે અને રેસ્ટોરાં કોચને પણ એમાં સ્થાન મળશે.’

ફેબ્રુઆરી ૨૦૨૦માં ઈસ્ટર્ન રેલવેના આસનસોલ ડિવિઝન દ્વારા સમાન પ્રકારની રેસ્ટોરાં ઑન વ્હીલ્સ શરૂ કરવામાં આવી હતી. આસનસોલ ડિવિઝનના અધિકારીઓએ જણાવ્યું હતું કે તેમણે જૂના, જરીપુરાણા મેઇન લાઇન ઈએમયુ ટ્રેન કોચને ત્રણ મહિનામાં જ બે થીમ ધરાવતી સરસમજાની રેસ્ટોરાંમાં તબદીલ કર્યા હતા.

18 October, 2021 11:06 AM IST | Mumbai | Rajendra B Aklekar

અન્ય લેખો

મુંબઈ સમાચાર

Omicron: મહારાષ્ટ્ર આવેલા 6 યાત્રીઓ કોરોના પોઝિટિવ, હવે આ નિયમો કરાયા ફરજિયાત

કોરોનાથી સંક્રમિત 6 લોકોમાંથી ત્રણ લોકો મુંબઈના કલ્યાણ, ડોંબિવલી અને મીરા ભાયંદર વિસ્તારના હોવાનું જાણવા મળ્યું છે.

01 December, 2021 07:18 IST | mumbai | Gujarati Mid-day Online Correspondent
મુંબઈ સમાચાર

સિલિન્ડર બ્લાસ્ટમાં ચાર મહિનાના બાળક સહિત ચાર જણ દાઝી ગયા

સવારે ૭ વાગ્યે ગૅસનું સિલિન્ડર ફાટ્યું હતું ત્યારે બધા સૂતા હતા એટલે આગથી બચવા માટે તેઓ ઝડપથી ઘરની બહાર દોડી ન શકતાં સખત દાઝી ગયા હોવાનું જાણવા મળ્યું હતું. 

01 December, 2021 11:55 IST | Mumbai | Gujarati Mid-day Correspondent
મુંબઈ સમાચાર

મુંબઈમાં આજે ભારે વરસાદની આગાહી, હવામાન વિભાગે યલો એલર્ટ કર્યુ જાહેર

હવામાન વિભાગે મુંબઈ શહેરમાં આજે ભારે વરસાદ પડવાની આગાહી કરી છે.

01 December, 2021 11:38 IST | mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK