IMD નિષ્ણાતો કહે છે કે ઑક્ટોબરમાં શુષ્ક હવામાન, પવનની ઓછી ગતિ અને પ્રદૂષકોના નબળા ફેલાવાને કારણે હવાની ગુણવત્તા સામાન્ય રીતે અન્ય મહિનાઓની તુલનામાં ખરાબ હોય છે. તેને લોધે ધુમ્મસભર્યું વાતાવરણ નિર્માણ થાય છે, ખાસ કરીને સવાર અને સાંજે.
પ્રતિકાત્મક તસવીર: સૌજન્ય મિડ-ડે
IMD એ મહારાષ્ટ્ર માટે યલો એલર્ટ જાહેર કર્યું છે. ગુરુવારે અનેક જિલ્લાઓમાં વાવાઝોડા અને વરસાદની શક્યતા ભારતીય હવામાન વિભાગ (IMD) એ ગુરુવારે મહારાષ્ટ્રના અનેક જિલ્લાઓ માટે હવામાન ચેતવણી જાહેર કરી છે, જેમાં અલગ અલગ વિસ્તારોમાં વાવાઝોડા, વીજળી અને હળવાથી મધ્યમ વરસાદ પડે તેવી આગાહી કરવામાં આવી છે. થાણે, રાયગઢ અને રત્નાગિરીમાં, રહેવાસીઓ વીજળી સાથે વાવાઝોડા, હળવાથી મધ્યમ વરસાદ અને 30-40 કિમી/કલાકની ઝડપે તોફાની પવન ફૂંકાય તેવી શક્યતા છે. દરમિયાન, મુંબઈ, પાલઘર અને સિંધુદુર્ગમાં હળવો થી મધ્યમ વરસાદ અથવા ગાજવીજ સાથે વરસાદ પડવાની શક્યતા છે. ધૂળે, જળગાંવ, નાસિક, નાસિકના ઘાટ, અહિલ્યાનગર, પુણે, પુણેના ઘાટ, સતારા, સતારાના ઘાટ, છત્રપતિ સંભાજીનગર અને બીડ સહિત અનેક આંતરિક અને ઘાટ પ્રદેશો માટે પણ યલો એલર્ટ જાહેર કરવામાં આવ્યું છે. આ વિસ્તારોમાં વીજળી સાથે વાવાઝોડા, હળવો થી મધ્યમ વરસાદ અને અલગ અલગ સ્થળોએ લગભગ 30-40 કિમી/કલાકની ઝડપે પવન ફૂંકાય તેવી શક્યતા છે. ભારતીય હવામાન વિભાગે તમામ અસરગ્રસ્ત વિસ્તારોના રહેવાસીઓને સત્તાવાર હવામાન બુલેટિન દ્વારા અપડેટ રહેવા અને વાવાઝોડા દરમિયાન ઝાડ નીચે આશ્રય લેવાનું ટાળવાની સલાહ આપી છે.
મુંબઈ હવામાન વિભાગે જણાવ્યું છે કે, 31 ઑક્ટોબર સુધી શહેરમાં ગરમી રહેશે. મુંબઈ હાલમાં ગરમ હવામાનની સ્થિતિનો સામનો કરી રહ્યું છે અને ઑક્ટોબરની ગરમી નાગરિકોને અસર કરી રહી છે, તેથી નિષ્ણાતોએ મુંબઈવાસીઓને વધતા તાપમાન અને ગરમ અને ભેજવાળા હવામાન દરમિયાન સ્વાસ્થ્ય સમસ્યાઓથી સુરક્ષિત રહેવાની સલાહ આપી છે. ભારતીય હવામાન વિભાગ (IMD) અનુસાર, દિવસનું તાપમાન આખા મહિના દરમિયાન 32 ડિગ્રી સેલ્સિયસ અને 34 ડિગ્રી સેલ્સિયસ વચ્ચે રહેવાની ધારણા છે, જ્યારે સવારનું તાપમાન 22 ડિગ્રી સેલ્સિયસથી 26 ડિગ્રી સેલ્સિયસ સુધી રહેશે. IMD ના વરિષ્ઠ અધિકારીએ મિડ-ડેને જણાવ્યું હતું કે, "આ ગરમી મોસમી છે અને અતિશય નથી, અને હાલમાં ગરમીના કોઈ સંકેતો નથી. તેમણે લોકોને સલાહ આપી હતી કે તેઓ બપોરે 12 થી 4 વાગ્યાની વચ્ચે બહાર જવાનું ટાળે, જ્યારે સૂર્ય સૌથી વધુ પ્રચંડ હોય છે. 31 ઑક્ટોબરથી 6 નવેમ્બરની વચ્ચે તાપમાનમાં થોડો ઘટાડો થવાની ધારણા છે, જે થોડી રાહત લાવી શકે છે." તેમણે જણાવ્યું હતું કે, ઑક્ટોબર 2024 ની તુલનામાં, આ વર્ષે ઑક્ટોબર પ્રમાણમાં સામાન્ય રહેશે અને વધુ પડતો ગરમ નહીં હોય, જોકે તે શુષ્ક મહિનો હશે. દરમિયાન, ચોમાસુ પાછું ખેંચાતા, વાયુ પ્રદૂષણનું સ્તર વધી રહ્યું છે.
ADVERTISEMENT
IMD નિષ્ણાતો કહે છે કે ઑક્ટોબરમાં શુષ્ક હવામાન, પવનની ઓછી ગતિ અને પ્રદૂષકોના નબળા ફેલાવાને કારણે હવાની ગુણવત્તા સામાન્ય રીતે અન્ય મહિનાઓની તુલનામાં ખરાબ હોય છે. તેને લોધે ધુમ્મસભર્યું વાતાવરણ નિર્માણ થાય છે, ખાસ કરીને સવાર અને સાંજે. મુખ્ય પ્રદૂષકોમાં PM2.5 અને PM10નો સમાવેશ થાય છે, જે શ્વાસ અને સ્વાસ્થ્યને અસર કરી શકે છે, ખાસ કરીને બાળકો અને વૃદ્ધો જેવા સંવેદનશીલ જૂથોમાં.
