આરોપીને સ્થાનિક કોર્ટ સમક્ષ રજૂ કરાતાં તેને સાત દિવસ પોલીસ-કસ્ટડીમાં મોકલી દેવાયો હતો
પ્રતીકાત્મક તસવીર
સાન્તાક્રુઝમાં આવેલા ક્લિનિકમાં ૧૬ વર્ષની દિવ્યાંગ કિશોરી પર બળાત્કાર કરવા બદલ પોલીસે ૪૦ વર્ષના ફિઝિયોથેરપિસ્ટની ધરપકડ કરી હોવાનું એક અધિકારીએ જણાવ્યું હતું.
બોલવાની ખામી તથા અન્ય શારીરિક વિકલાંગતા ધરાવનારી કિશોરી જ્યારે પણ ક્લિનિક પર જતી ત્યારે છેલ્લા એક વર્ષથી ફિઝિયોથેરપિસ્ટ આરોપી તેના પર જાતીય હુમલો કરતો હતો. પોલીસે ગુરુવારે આરોપીને ઝડપી લીધો હતો.
ADVERTISEMENT
આખરે ગયા મંગળવારે જ્યારે છોકરીએ તેના મોબાઇલ ફોન પરથી તેનાં માતા-પિતાને ટેક્સ્ટ મેસેજ કર્યો અને તેમને ઘટનાની જાણ કરી ત્યારે આ સમગ્ર પ્રકરણ બહાર આવ્યું હતું. તેનાં આઘાતમાં સરકી ગયેલાં માતા-પિતાએ ગુરુવારે પોલીસ ફરિયાદ નોંધાવી હતી અને છોકરીએ પણ પોલીસને ઘટનાની વિગતો આપી હતી.
છોકરીના વાલીએ ફરિયાદ નોંધાવ્યા બાદ પોલીસે આરોપીને તેના ક્લિનિક પરથી ઝડપીને પોક્સો ઍક્ટ તથા આઇપીસીની ૩૭૬ સહિતની વિવિધ કલમો હેઠળ તેની વિરુદ્ધ કેસ દાખલ કર્યો હતો. આરોપીને સ્થાનિક કોર્ટ સમક્ષ રજૂ કરાતાં તેને સાત દિવસ પોલીસ-કસ્ટડીમાં મોકલી દેવાયો હતો.
