સાતારા જિલ્લાનો ઐતિહાસિક પ્રતાપગડ કિલ્લો શુક્રવારે રાતે ૩૬૭ મશાલના પ્રકાશથી ઝળહળી ઊઠ્યો હતો. છત્રપતિ શિવાજી મહારાજના શૌર્યના પ્રતીક સમા આ કિલ્લા પર ૧૭મા મશાલ મહોત્સવનું આયોજન કરવામાં આવ્યું હતું.
ભવ્ય મશાલ મહોત્સવ
સાતારા જિલ્લાનો ઐતિહાસિક પ્રતાપગડ કિલ્લો શુક્રવારે રાતે ૩૬૭ મશાલના પ્રકાશથી ઝળહળી ઊઠ્યો હતો. છત્રપતિ શિવાજી મહારાજના શૌર્યના પ્રતીક સમા આ કિલ્લા પર ૧૭મા મશાલ મહોત્સવનું આયોજન કરવામાં આવ્યું હતું. આ વખતનો મહોત્સવ એ રીતે પણ ખાસ હતો કે પ્રતાપગડ પર આવેલા ભવાની માતાના મંદિરને ૩૫૦ વર્ષ પૂરાં થયાં હતાં. ઢોલ-તાશા અને ભગવા ઝંડા સાથે સેંકડો લોકોએ ઉજવણીમાં ભાગ લીધો હતો. જોરદાર આતશબાજી પણ કરવામાં આવી હતી. શિવાજી મહારાજના વંશજ અને ભૂતપૂર્વ વિધાનસભ્ય ઉદયન રાજે ભોસલેએ આ મશાલ મહોત્સવ ચાલુ કરાવ્યો છે. આ મશાલ મહોત્સવ જોવા હજારોની સંખ્યામાં લોકો કિલ્લા પર આવ્યા હતા. રાતના અંધકારમાં મશાલના અજવાળાથી આખો પ્રતપાગડ ઝગમગી ઊઠ્યો હતો.
