° °

આજનું ઇ-પેપર
Thursday, 19 May, 2022


બિલ્ડિંગની આગ તો બુઝાઈ ગઈ, પણ દિલની વ્યથાનો કોઈ અંત નથી

26 January, 2022 11:25 AM IST | Mumbai
Bakulesh Trivedi | bakulesh.trivedi@mid-day.com

કમલા બિલ્ડિંગના રહેવાસીઓ કહે છે કે આખું વાયરિંગ બળી ગયું હોવાથી જ્યાં સુધી એ નહીં થાય ત્યાં સુધી અમને અમારા ઘરમાં રહેવા જવા નહીં મળે

તાડદેવમાં આવેલા કમલા બિલ્ડિંગમાં લાગેલી આગમાં અત્યાર સુધી સાત જણનાં મૃત્યુ થયા છે.  (તસવીર : બિપિન કોકાટે) Tardeo Fire

તાડદેવમાં આવેલા કમલા બિલ્ડિંગમાં લાગેલી આગમાં અત્યાર સુધી સાત જણનાં મૃત્યુ થયા છે. (તસવીર : બિપિન કોકાટે)

તાડદેવના કમલા બિલ્ડિંગ તરીકે જાણીતા સચિનમ હાઇટ્સમાં લાગેલી આગ તો ફાયર બ્રિગેડે પાણીનો મારો ચલાવીને કેટલાક કલાકોમાં બુઝાવી દીધી હતી; પણ એના રહેવાસીઓની વ્યથાનો અંત ટૂંક સમયમાં આવે એવું લાગતું નથી, કારણ કે તેમના કહેવા મુજબ આખું વાયરિંગ બળી ગયું છે જેને કારણે જ્યાં સુધી એ વાયરિંગ નહીં થાય ત્યાં સુધી એમાં રહેવા જવું બહુ મુશ્કેલીભર્યું હશે. અત્યારે કેટલાક પરિવારો બીએમસીની સ્કૂલમાં રહે છે.  જોકે તેમને પણ એ જ ચિંતા સતાવે છે કે હવે ફરી ક્યારે આપણે આપણા ઘરમાં રહેવા જઈ શકીશું? સ્થાનિક એમએલએ દ્વારા તેમને વાયરિંગ કરવા માટે આર્થિક ભંડોળ આપવાનું આશ્વાસન આપવામાં આવ્યું છે. 
કમલા બિલ્ડિંગમાં રહેતા પ્રભાકર શેટ્ટીએ ‘મિડ-ડે’ને કહ્યું હતું કે ‘હાલ જ્યાં આગ લાગી હતી એ ૧૯મા અને ૨૦મા માળે જવા દેવાતા નથી, પણ એની નીચેના ફ્લોર પર જે લોકો રહે છે તેમને કપડાં અને અમુક મહત્ત્વની ચીજો લેવા જવાની છૂટ આપવામાં આવી હતી. બાકી અમને રહેવા દેવાતા નથી. એ માટે મનાઈ છે. નીચેના માળે કેટલીક સફાઈ થઈ ગઈ છે, પણ ઉપરના માળે હજી તપાસ બાકી છે. અમારા ઘણાબધા પાડોશીઓ પોતપોતાનાં સગાંને ત્યાં રહેવા જતા રહ્યા છે. અમે ૨૫-૩૦ જણ જેમની કોઈ વ્યવસ્થા થઈ શકે એમ નથી તે બધા બીએમસીની સ્કૂલમાં રહે છે. અહીં ખાવા-પીવાનું હવે મળી રહે છે અને સૂવાની વ્યવસ્થા પણ છે. એક રૂમ બાળકો અને મહિલાઓ માટે છે અને એક રૂમ પુરુષો માટે છે. જ્યાં સુધી સુધરાઈના અધિકારીઓનો સર્વે પૂરો નથી થતો ત્યાં સુધી અમને અમારા ઘરમાં જવા નહીં મળે. એ લોકોની તપાસ વહેલી પતે તો સારું.’ 
તેમને જ્યારે પૂછવામાં આવ્યું કે અત્યારે કોરોનાની મહામારી ચાલી રહી છે ત્યારે એક જ રૂમમાં આટલા બધા લોકો રહે છે તો શું પ્રશાસન દ્વારા કોઈ કાળજી લેવામાં આવે છે? કોઈ ડૉક્ટર તપાસ કરવા આવે છે? આ સવાલના જવાબમાં તેમણે કહ્યું હતું કે ‘ના, હાલ અહીં કોઈને કોરોના નથી. એ સિવાય બીએમસીના અધિકારીઓએ અમને કહ્યું છે કે જો કોઈને કશી પણ શારીરિક તકલીફ હોય તો તેઓ બાજુમાં જ આવેલા બીએમસીના આરોગ્ય સેન્ટરમાં જઈને એની તપાસ કરાવી શકે છે.’   

26 January, 2022 11:25 AM IST | Mumbai | Bakulesh Trivedi

અન્ય લેખો

મુંબઈ સમાચાર

કાંદિવલીના બિલ્ડરની ખિલાફ આજે મેમ્બરો આપશે પોલીસને સ્ટેટમેન્ટ

રીડેવલપમેન્ટ દરમ્યાન ભાડું ન ચૂકવનારા કાંદિવલીના બિલ્ડરની ખિલાફ આજે મેમ્બરો આપશે પોલીસને સ્ટેટમેન્ટ

18 May, 2022 07:54 IST | Mumbai | Bakulesh Trivedi
મુંબઈ સમાચાર

મુંબઈ ત્યાં સુધી નહીં છોડતા

મેમ્બરોને ભાડું ન ચૂકવનાર કાંદિવલીના બિલ્ડર પર કોર્ટની પાબંદી : સોસાયટીના સભ્યોએ કરેલી કન્ટેમ્પ્ટની ફરિયાદના આધારે હાઈ કોર્ટે કારણ દર્શક નોટિસ ઇશ્યુ કરીને ૧૪ જૂન સુધી તેમને શહેર ન છોડવા કહ્યું

17 May, 2022 08:24 IST | Mumbai | Bakulesh Trivedi
મુંબઈ સમાચાર

હીરા બજારના ઠગની થઈ આખરે ધરપકડ

ડિફૉલ્ટર જાહેર કરાયેલા અને જેના પર બીકેસીના હીરાબજારમાં એન્ટ્રી પર બંધી મૂકવામાં આવી છે એ ધવલ વોરાને પોલીસે ૧૦ લાખ રૂપિયાના ડાયમન્ડની છેતરપિંડીના કેસમાં પકડ્યો

16 May, 2022 10:17 IST | Mumbai | Bakulesh Trivedi

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK