નલપાડા પાઇપલાઇનના ચાર પિલર પર લોખંડના ગર્ડર બેસાડવાના હોવાથી આજે રાતે ૧૧થી સવારે ૧૦ વાગ્યા સુધી તેમ જ આવતી કાલે રાતે ૧૧થી સવારે ૯ વાગ્યા સુધી સ્લિપ રોડ બંધ રહેશે
ફાઈલ તસવીર
મેટ્રો-4ના કામ માટે થાણે-ઘોડબંદર રોડ પર સ્લિપ રોડ (હાઇવે કે મુખ્ય રસ્તા પરથી નીચે ઊતરવા-ચડવા માટે બનાવેલો નાનો રોડ) ૭ અને ૮ જૂને રાતે સંપૂર્ણપણે બંધ રહેશે. નલપાડા પાઇપલાઇનના ચાર પિલર પર લોખંડના ગર્ડર બેસાડવાના હોવાથી આજે રાતે ૧૧થી સવારે ૧૦ વાગ્યા સુધી તેમ જ આવતી કાલે રાતે ૧૧થી સવારે ૯ વાગ્યા સુધી સ્લિપ રોડ બંધ રહેશે. થાણેથી ઘોડબદર જતાં તમામ વાહનો માટે કાપૂરબાવડી સર્કલનો સ્લિપ રોડ બંધ રહેશે. વૈકલ્પિક રોડ માટે કાપૂરબાવડી સર્કલના અંદર બ્રિજથી ઢોકલીનો રસ્તો લેવાનો રહેશે તેમ જ નલપાડાથી ઘોડબંદર જતાં વાહનો માટે નલપાડા પાઇપલાઇનનો રસ્તો બંધ રહેશે જેમાં નલપાડા પાઇપલાઇનથી યુટર્ન લઈને નલપાડાથી આગળ જવાનું રહેશે.
