બિગ બૉય ટૉય્ઝ (BBT) નામના ઑક્શન-હાઉસ દ્વારા આ હરાજી કરવામાં આવી હતી
DDC 0001 નંબર ધરાવતી કાર
DDC 0001 નંબર ધરાવતી કારની નંબર-પ્લેટ માટે આંધ્ર પ્રદેશના ગુંટુરના રહેવાસી કિરણ કોલ્પાકુલાએ અધધધ ૨.૦૮ કરોડ રૂપિયાની ચુકવણી કરી હતી અને દેશમાં અત્યાર સુધીની આ સૌથી મોંઘી નંબર-પ્લેટ હોવાનું કહેવાય છે. ગયા વર્ષે ૧.૧૭ કરોડ રૂપિયામાં કારની નંબર-પ્લેટ HR 88 B 8888નું વેચાણ થયું હતું, પણ બોલી લગાવનારે ચુકવણી ન કરતાં એને રદ કરવામાં આવ્યું હતું. ત્યાર બાદ આ નંબર-પ્લેટ ૨૬.૭ લાખ રૂપિયામાં ફરીથી વેચવામાં આવી હતી. ઑનલાઇન થયેલી હરાજીમાં કિરણ કોલ્પાકુલાએ આટલી બોલી લગાવી હતી.
બિગ બૉય ટૉય્ઝ (BBT) નામના ઑક્શન-હાઉસ દ્વારા આ હરાજી કરવામાં આવી હતી. BBT હાઈ-પ્રોફાઇલ વસ્તુઓની હરાજી કરે છે. હાલમાં ઑફર કરવામાં આવતી લક્ઝરી કારમાં ઍક્ટ્રેસ શિલ્પા શેટ્ટીની મર્સિડીઝ-મેબેક GLS 600, ફિલ્મમેકર રોહિત શેટ્ટીની મર્સિડીઝ-બેન્ઝ CLA 200d અને ક્રિકેટર દિનેશ કાર્તિકની રેન્જ રોવર સ્પોર્ટ SVRનો સમાવેશ છે. આ કંપની મુખ્યત્વે લક્ઝરી પ્રી-ઓન્ડ કાર માટે જાણીતી કંપની છે. આ પ્લૅટફૉર્મ સેલિબ્રિટીનાં વાહનો ઉપરાંત હબ્લોટ અને રૉલેક્સની દુર્લભ ઘડિયાળો અને પ્રખ્યાત ‘9999999999X’ જેવા અલ્ટ્રા-પ્રીમિયમ VIP મોબાઇલ-નંબરની પણ હરાજી કરે છે.
