જો સોસાયટી ૩ દિવસની અંદર PNG પાઇપલાઇન માટે મંજૂરી નહીં આપે તો બધાં ઘરોમાં LPG સપ્લાય બંધ કરી દેવાશે
પ્રતીકાત્મક તસવીર
જો તમારા ઘરની નજીક પાઇપ્ડ નૅચરલ ગૅસ (PNG) પાઇપલાઇન હોય તો તમારે એ કનેક્શન લેવું આવશ્યક બનાવી દેવામાં આવ્યું છે. આ મુદ્દે ગૅસ-કંપની ૩ મહિનાની નોટિસ આપશે અને જો ૯૦ દિવસના સમયગાળામાં તમે PNG કનેક્શન નહીં મેળવો તો તમારી LPG સપ્લાય કાપી નાખવામાં આવશે.
મિડલ ઈસ્ટમાં ચાલી રહેલા યુદ્ધ અને ગૅસની અછતને ધ્યાનમાં રાખીને કેન્દ્ર સરકારે નૅચરલ ગૅસ અને પેટ્રોલિયમ પ્રોડક્ટ્સ ડિસ્ટ્રિબ્યુશન ઑર્ડર 2026 લાગુ કર્યો છે. આ હેઠળ PNG કનેક્શન મેળવવું હવે ફરજિયાત રહેશે. જોકે અગાઉથી સૂચના આપવામાં આવશે. જો કોઈ નોટિસ મળ્યા પછી પણ કનેક્શન મેળવવામાં નિષ્ફળ જાય તો ૯૦ દિવસ પછી તેમની LPG સપ્લાય કાપી નાખવામાં આવશે. સોસાયટીઓએ પણ ૩ દિવસની અંદર પાઇપલાઇનને મંજૂરી આપવાની રહેશે. જો સોસાયટી આમ નહીં કરે તો આખી સોસાયટીનાં ઘરોમાં LPG સપ્લાય બંધ કરી દેવામાં આવશે.
ADVERTISEMENT
પાઇપલાઇન બિછાવવા માટે હવે જમીનમાલિકોને વળતર પણ બમણું કરી દેવામાં આવ્યું છે.
