ચલણી નોટ પરના નકશામાં લિપુલેખ, લિમ્પિયાધુરા અને કાલાપાની નામનાં ગામ દર્શાવાયાં છે
નેપાલ સરકારની ૧૦૦ રૂપિયાની નવી નોટ
નેપાલ સરકારની ૧૦૦ રૂપિયાની નવી નોટને લઈને વિવાદ સર્જાયો છે. આ નોટ પર નેપાલનો નવો નકશો દર્શાવવામાં આવ્યો છે જેમાં ભારતની હદમાં આવતા ત્રણ વિસ્તારનો પણ સમાવેશ કરવામાં આવ્યો છે. ચલણી નોટ પરના નકશામાં લિપુલેખ, લિમ્પિયાધુરા અને કાલાપાની નામનાં ગામ દર્શાવાયાં છે. આ ત્રણે ગામ ભારતનાં છે. નેપાલના વડા પ્રધાન પુષ્પકમલ દહલ પ્રચંડના વડપણ હેઠળ મળેલી કૅબિનેટની બેઠકમાં ૧૦૦ રૂપિયાની નોટની નવી ડિઝાઇનને ફાઇનલ કરવામાં આવી હતી. પ્રચંડે માર્ચમાં કેપી શર્મા ઓલીની પાર્ટી સાથે ગઠબંધન કર્યું હતું. ઓલી ચીન સાથે ગાઢ સંબંધ માટે જાણીતા છે. જોકે નેપાલે અગાઉ ૨૦૨૦માં પણ નવા પૉલિટિકલ મૅપમાં લિપુલેખ સહિતનાં ત્રણેય ગામ પોતાની હદમાં ગણાવ્યાં હતાં. ભારત અને નેપાલની સરહદ ૧૮૫૦ કિલોમીટર લાંબી છે.
