બોલેરોમાં ૯ જણ જીવતા સળગી ગયા, કુલ ૧૧નાં મોત : ઉત્તર પ્રદેશની ઘટના
ટ્રકની ટક્કર પછી ભડકે બળતી બોલેરો.
ઉત્તર પ્રદેશના મિર્ઝાપુરમાં ચણા ભરેલી એક ટ્રકની બ્રેક ફેલ થતાં એ એક બોલેરો જીપ સહિત અનેક વાહનો સાથે ટકરાઈ હતી. એને કારણે જીપમાં આગ ફાટી નીકળી હતી. આ અકસ્માતમાં કુલ ૧૧ લોકોએ જીવ ગુમાવ્યો હતો. બોલેરોમાં પ્રવાસ કરતા ૯ જણે જીવ ગુમાવ્યો હતો. આ દુર્ઘટનામાં એક ટ્રક, ટ્રેલર અને બે ફોર-વ્હીલર સહિત અનેક વાહનોનો સમાવેશ થાય છે.
બુધવારે રાત્રે ૮.૨૦ વાગ્યે આ અકસ્માતમાં બોલેરોમાં ૯ લોકો જીવતા બળી ગયા હતા, જેમાં ૪ બાળકોનો પણ સમાવેશ છે. આ ઉપરાંત એક ટ્રક-ડ્રાઇવરનું મોત થયું છે અને સ્વિફ્ટ કાર-ડ્રાઇવરનો મૃતદેહ અંદર ફસાયેલો છે જેને કારણે કુલ મૃત્યુઆંક ૧૧ થયો છે.
ADVERTISEMENT
પ્રાથમિક અહેવાલો અનુસાર ટ્રક બોલેરો, સ્વિફ્ટ કાર અને ટ્રેલર સાથે અથડાઈ હતી જેને કારણે બન્ને ફોર-વ્હીલર્સમાં આગ લાગી ગઈ હતી.
