ઈરાનમાં અભ્યાસ કરતા 110 ભારતીય વિદ્યાર્થીઓને આર્મેનિયા થઈને સુરક્ષિત રીતે ભારત લાવવામાં આવ્યા. આ વિદ્યાર્થીઓને લઈને પહેલી ફ્લાઇટ ગુરુવાર, 20 જૂન, 2025 ના રોજ વહેલી સવારે નવી દિલ્હી પહોંચી હતી, ત્યારબાદ તેમને શરૂઆતમાં આર્મેનિયા લઈ જવામાં આવ્યા હતા.
ભારતનું ઓપરેશન સિંધુ: હેઠળ યુદ્ધગ્રસ્ત ઈરાનથી ભારતીય વિદ્યાર્થીઓનું પહેલું ગ્રૂપ ઘરે પરત ફર્યું (તસવીર: મિડ-ડે)
ઇઝરાયલ અને ઈરાન વચ્ચે તણાવ વધ્યો છે, જેને પગલે ભારત સરકારે ત્યાં અભ્યાસ કરતા વિદ્યાર્થીઓને પાછા લાવવાના પ્રયત્નો શરૂ કર્યા છે. તાજેતરમાં, ઈરાનમાં અભ્યાસ કરતા 110 ભારતીય વિદ્યાર્થીઓને આર્મેનિયા થઈને સુરક્ષિત રીતે ભારત લાવવામાં આવ્યા. આ વિદ્યાર્થીઓને લઈને પહેલી ફ્લાઇટ ગુરુવાર, 20 જૂન, 2025 ના રોજ વહેલી સવારે નવી દિલ્હી પહોંચી હતી, ત્યારબાદ તેમને શરૂઆતમાં આર્મેનિયા લઈ જવામાં આવ્યા હતા અને પછી ભારત પાછા લાવવામાં આવ્યા હતા.
હવાઈ માર્ગો બંધ થવાને કારણે, વિદ્યાર્થીઓ માટે સીધા ભારત પાછા ફરવાનું મુશ્કેલ બન્યું છે. તેમના પરિવારો તેમની સલામતી અંગે ચિંતિત છે તે સમજી શકાય છે. આ વિદ્યાર્થીઓમાં મોટી સંખ્યામાં જમ્મુ અને કાશ્મીરના છે, અને તેમના પરિવારોએ શ્રીનગરમાં તેમની સલામતી અને તાત્કાલિક પરત લાવવાની માગ કરી છે.
ADVERTISEMENT
ભારતીય વિદેશ મંત્રાલયે પુષ્ટિ આપી છે કે તેહરાનમાં ભારતીય દૂતાવાસ પરિસ્થિતિ પર નજીકથી નજર રાખી રહ્યું છે. સરકાર ઈરાનમાં ભારતીય વિદ્યાર્થીઓની સલામતી અંગે ખૂબ ચિંતિત છે. કેટલાક વિદ્યાર્થીઓને પહેલાથી જ સલામત સ્થળોએ ખસેડવામાં આવ્યા છે, જ્યારે સરકારે તમામ ભારતીય નાગરિકોને તેહરાન છોડીને સલામત સ્થળોએ જવા વિનંતી કરી છે. મંગળવારે વિદેશ મંત્રાલય દ્વારા જરૂરિયાતમંદ ભારતીય નાગરિકોને મદદ કરવા માટે એક સહાય કેન્દ્ર સ્થાપવામાં આવ્યું હતું.
View this post on Instagram
ફસાયેલા એક વિદ્યાર્થી રૌનક અશરફ જે આ વર્ષની શરૂઆતમાં ઈરાન યુનિવર્સિટી ઓફ મેડિકલ સાયન્સમાં MBBS ડિગ્રી મેળવવા માટે તેહરાન ગયો હતા. રૌનકના પિતા, અશરફે તેમની પુત્રીની સલામતી અંગે ચિંતા વ્યક્ત કરી હતી. તેમણે ઉલ્લેખ કર્યો હતો કે જ્યારે તે પોતાના સ્વપ્નને સાકાર કરવા વિદેશ ગઈ ત્યારે તેઓ ખુશ હતા, પરંતુ વર્તમાન પરિસ્થિતિએ તેમને ચિંતામાં મૂકી દીધા હતા. રૌનકે અહેવાલ આપ્યો હતો કે સોમવારે વહેલી સવારે તેહરાનથી મુસાફરી કર્યા પછી તેને આર્મેનિયાની એક હૉટેલમાં સુરક્ષિત રીતે ખસેડવામાં આવી.
ઈરાનમાં ભારતીય વિદ્યાર્થીઓની સલામતી એક મહત્વપૂર્ણ ચિંતાનો વિષય છે. તેહરાનમાં ભારતીય દૂતાવાસે તેહરાનમાં હજી પણ રહેલા તમામ નાગરિકોને સુરક્ષિત સ્થાન પર જવાની સલાહ આપી છે. જમ્મુ અને કાશ્મીરના વિદ્યાર્થીઓ માટે પરિસ્થિતિ ખાસ કરીને ચિંતાજનક રહી છે, જેમાંથી ઘણાએ તેના સસ્તા તબીબી શિક્ષણ માટે ઈરાનને પસંદ કર્યું હતું. ભારતીય વિદ્યાર્થીઓ ધાર્મિક શિક્ષણ માટે ઈરાન પણ જાય છે, ખાસ કરીને કોમ, મશહદ અને તેહરાન જેવા શહેરોમાં.
વિદેશ મંત્રાલયે ઈરાનમાં રહેલા તમામ ભારતીય નાગરિકો અને વિદ્યાર્થીઓનો સંપર્ક કર્યો છે, અને તેમને તાત્કાલિક તેમના વર્તમાન સ્થાન અને સંપર્ક માહિતી દૂતાવાસને સહાય માટે મોકલવા વિનંતી કરી છે. જ્યારે ઇઝરાયલ અને ઈરાન વચ્ચે સંઘર્ષ ચાલુ છે, ત્યારે બન્ને દેશોમાં ફસાયેલા ભારતીય વિદ્યાર્થીઓની સલામતી અને વાપસી સરકાર માટે તાત્કાલિક પ્રાથમિકતા બની ગઈ છે.
